"தி.மு.கதான் உண்மையான திராவிட இயக்கம்".. எடப்பாடி பழனிசாமிக்கு பதிலடி கொடுத்த ஆர்.எஸ்.பாரதி!

தி.மு.கதான் உண்மையான திராவிட இயக்கம். அ.தி.மு.கவில் இருப்பவர்கள் விரைவில் தி.மு.கவில் இணைவார்கள் தி.மு.க அமைப்புச் செயலாளர் ஆர்.எஸ்.பாரதி தெரிவித்துள்ளார்.

இது குறித்து சென்னை அண்ணா அறிவாலயத்தில் செய்தியாளர்களைச் சந்தித்த அமைப்புச் செயலாளர் ஆர்.எஸ்.பாரதி, " தி.மு.க-வைச் சேர்ந்த சிலர் தன்னுடன் தொடர்பில் இருப்பதாக எதிர்க்கட்சித் தலைவர் எடப்பாடி பழனிசாமி கூறிய பொய்யால், அ.தி.மு.க-வினர் குழப்பத்தில் உள்ளனர்.

எடப்பாடி பழனிச்சாமியுடன் தொடர்பில் இருப்பவர்களின் பட்டியலை வெளியிட்டால் தன்னோடு தொடர்பில் உள்ள அ.தி.மு.க-வினரின் பெயரைத் தாமும் வெளியிடத் தயாராக உள்ளேன்.

50 அ.தி.மு.க சட்டமன்ற உறுப்பினர்கள், 30 மாவட்டச் செயலாளர்கள், 2 எம். பி.க்கள் தி.மு.க-வுடன் தொடர்பில் இருக்கிறார்கள். அ.தி.மு.க-வில் இருப்பவர்கள் விரைவில் தி.மு.கவில் இணைவார்கள்.

தி.மு.கதான் உண்மையான திராவிட இயக்கம் என்பதை, காஷ்மீர் முதல் கன்னியாகுமரி வரை உள்ள எல்லா தமிழரும் ஏற்றுக்கொண்டுள்ளனர். ராகுலின் நடைபயணம் பா.ஜ.க-விற்கு அதிர்ச்சி தரக்கூடியதாக இருக்கிறது" என தெரிவித்துள்ளார்.