Tamilnadu
ஒரு ஓட்டு கூட பெறாத அ.தி.மு.க வேட்பாளர்.. மோசமான சாதனையில் பா.ஜ.கவோடு போட்டி போடும் அ.தி.மு.க!
புதுக்கோட்டை மாவட்டம் கரம்பக்குடி பேரூராட்சி 7வது வார்டு அ.தி.மு.க வேட்பாளர் முகமது இப்ராம்சா 1 வாக்கு கூட பெறாமல் படுதோல்வி அடைந்துள்ளார்.
நகர்ப்புற உள்ளாட்சித் தேர்தலில் அ.தி.மு.க நிர்வாகிகளுடன் பா.ஜ.க நிர்வாகிகள் நடத்திய பேச்சுவார்த்தையில் உடன்பாடு ஏற்படாத காரணத்தால் நகப்புற உள்ளாட்சி தேர்தலில் அ.தி.மு.கவுடன் கூட்டணி இல்லாமல் பா.ஜ.க தனித்துப் போட்டியிட்டது.
இந்த நிலையில் தமிழகம் முழுக்க நகர்ப்புற உள்ளாட்சி தேர்தலில் பதிவான வாக்குகள் இன்று காலை 8 மணி முதல் எண்ணப்பட்டு வருகிறது. இதில், பா.ஜ.க வேட்பாளர்கள் படுதோல்வியைச் சந்தித்து வருகின்றனர்.
பவானிசாகர் 11வது வார்டில் போட்டியிட்ட பா.ஜ.கவின் நரேந்திரன் என்பவர் ஒரு ஓட்டு மட்டுமே பெற்றுள்ளார். விழுப்புரம் மாவட்டத்தில் அனந்தபுரம் பேரூராட்சி 6வது வார்டில் போட்டியிட்ட பா.ஜ.க வேட்பாளர் நிரோஷா ஒரு வாக்கு கூட பெறாமல் படுதோல்வியைத் தழுவினார்.
இதேபோல, அ.தி.மு.க வேட்பாளரும் ஒரு வாக்கு கூட பெறாமல் படுதோல்வியைச் சந்தித்துள்ளது அ.தி.மு.க தொண்டர்கள் மத்தியில் கலக்கத்தை ஏற்படுத்தியுள்ளது.
புதுக்கோட்டை மாவட்டம் கரம்பக்குடி பேரூராட்சி 7வது வார்டு அ.தி.மு.க வேட்பாளர் முகமது இப்ராம்சா 1 வாக்கு கூட பெறாமல் படுதோல்வி அடைந்துள்ளார்.
புதுக்கோட்டை மாவட்டம் கரம்பக்குடி பேரூராட்சி 7 வது வார்டில் பதிவான வாக்குகள் எண்ணப்பட்டன. இதில், 179 வாக்குகளை பெற்ற சுயேட்சை வேட்பாளர் பிருத்திவிராஜா வெற்றி பெற்றார். தி.மு.க வேட்பாளர் பரூக் 149 வாக்குகள் பெற்றார்.
அ.தி.மு.க வேட்பாளர் முகமது இப்ராம்சாவின் சகோதரர் அ.தி.மு.கவில் கரம்பக்குடி நகர செயலாளராக உள்ளார் என்பது குறிப்பிடத்தக்கது. கடந்த 19ஆம் தேதி நடைபெற்ற வாக்குப்பதிவின்போது இருவருமே வாக்கு செலுத்திய நிலையில், தற்போது அ.தி.மு.க வேட்பாளர் ஒரு வாக்கு கூட பெறாதது அக்கட்சித் தொண்டர்களிடையே அதிர்ச்சியை ஏற்படுத்தியுள்ளது.
Also Read
-
"டி20 உலகக்கோப்பைக்கான இந்திய அணியில் இடம்பெற நடராஜன் தகுதியானவர்"- ஜாம்பவான் வீரர் கருத்து !
-
கர்நாடகாவுக்கு 3498 கோடி, தமிழ்நாட்டுக்கு வெறும் 276 கோடி நிதி ஒதுக்கீடு - ஒன்றிய அரசை விமர்சித்த வைகோ !
-
பொதுத்தேர்வு எழுதிய அனைத்து மாணவர்களும் Fail : வெளிவந்த பாஜக ஆளும் ம.பி அரசுப் பள்ளியின் அவலம் !
-
பிரசார பாடலுக்கு தடை : ஆம் ஆத்மியை குறிவைக்கும் தேர்தல் ஆணையம் ? - குவியும் கண்டனம் !
-
"அமேதியில் ராகுலுக்கு ஆதரவாக பிரசாரம் மேற்கொள்வேன்" - வயநாடு தொகுதி CPI வேட்பாளர் ஆனி ராஜா பேட்டி !