Politics
‘ஒரே நாடு - ஒரே தேர்தல்’ மசோதா முன்மொழிவு! : ஒன்றிய அமைச்சர்களே புறக்கணித்ததால் பா.ஜ.க அதிருப்தி!
இந்திய ஒன்றியத்தை ஒற்றை ஆளுமைக்குள் கொண்டு வர, கடந்த 10 ஆண்டுகளாக ஒன்றிய பா.ஜ.க அரசு பல்வேறு நடவடிக்கைகளில் ஈடுபட்டு வருகிறது.
மாநில அதிகாரங்களை முடக்கும் வகையில், ஒட்டுமொத்த நாட்டிற்கும் ஒரே முறையில் கல்வி, வேற்று மொழியில் சட்டங்கள், திட்டங்கள், அமைச்சகங்கள் என இந்தி மொழி பேசாத மாநில மக்களுக்கு இழைக்கப்படும் வஞ்சிப்பு அதிகரித்து வருகிறது.
இது ஒரு புறம் இருக்க, ‘மத்தியில் கூட்டாட்சி, மாநிலத்தில் சுயாட்சி’ என்ற முழக்கத்தையே முழுவதுமாக அழித்திட ‘ஒரே நாடு - ஒரே தேர்தல்’ முறைக்கு வித்திட்டு, வஞ்சிப்பின் உச்சத்திற்கு சென்றுள்ளது ஒன்றிய பா.ஜ.க அரசு.
‘ஒரே நாடு - ஒரே தேர்தல்’ முறையினால், ஒன்றியத்தில் ஆட்சி ஏற்றிருக்கும் கட்சியே ஒட்டுமொத்த மாநிலங்களையும் கைப்பற்றும் நிலை உருவாகும். மக்களின் மக்களாட்சி உரிமையாக கருதப்படும் வாக்கு உரிமை தவறுதலாக பயன்படுத்தப்படும்.
நாட்டின் பெரும்பான்மை மக்களால், சிறுபான்மை மக்கள் வஞ்சிக்கப்படும் நிலை அதிகரிக்கும். குறிப்பாக, வட மாநில மக்களின் தேர்ந்தெடுப்பு, தென் மாநில மக்களின் சமூக உணர்வுகளை அழிக்க நேரிடும். இதனால், இந்தியா கூட்டணி கட்சிகள், ‘ஒரே நாடு - ஒரே தேர்தல்’ முறைக்கு எதிரான தங்களது எதிர்ப்பை மிகவும் கடுமையாக வெளிக்காட்டி வருகின்றனர்.
இந்நிலையில், நேற்று (டிசம்பர் 17) இந்திய நாடாளுமன்ற மக்களவையில் ‘ஒரே நாடு - ஒரே தேர்தல்’ மசோதாவை சட்டத்துறை அமைச்சர் அர்ஜுன் மேக்வால் முன்மொழிந்தார். அப்போது எதிர்க்கட்சிகள் தங்களது எதிர்ப்பை வெளிப்படுத்தினர்.
எதிர்க்கட்சிகளின் ஆதரவு இன்றி, ஒன்றிய பா.ஜ.க அரசால் பெரும்பான்மையை நிரூபித்து மசோதாவை சட்டமாக்க இயலாத சூழல் நிலவி வருவதால், ஏற்கனவே பா.ஜ.க அதிருப்தியில் தள்ளாடிக்கொண்டிருந்த நிலையில், மசோதா முன்மொழிவின் போது ஒன்றிய அமைச்சர்கள் நிதின் கட்கரி, ஜோதில் ஆதித்ய சிந்தியா, கிரிராஜ் சிங் உள்ளிட்ட 20 பா.ஜ.க எம்.பி.க்கள் அவைக்கு வருகையை தராமல் இருந்தது பா.ஜ.க.வினரை மேலும் அதிருப்தியடைய செய்தது.
இதனையடுத்து, பா.ஜ.க.வினரே ‘ஒரே நாடு - ஒரே தேர்தல்’ முறையை புறக்கணிக்கின்றனரா என்ற கேள்வி, தேசிய அளவில் தீயாய் பரவி வருகிறது. இதனால், கடும் விரக்தியில் இருக்கும் பா.ஜ.க, அவைக்கு வராத கட்சி நிர்வாகிகளுக்கு விளக்கம் கேட்டு கடிதம் அனுப்பியுள்ளது.
Also Read
-
“DGPயே கொலைகள் குறைந்துவிட்டதாக கூறுவது ஆறுதல் அல்ல; அது நிர்வாகத்தின் அவலம்” : உதயநிதி ஸ்டாலின் பதிலடி!
-
“த.வெ.க கொள்கை பரப்பு செயலாளர் மாணிக்கம் தாகூர்” : கழக அமைப்புச் செயலாளர் ஆர்.எஸ்.பாரதி பேட்டி!
-
இது பாசிசமா பாயாசமா?; ஒரு நாளேட்டின் ஆசிரியருக்கே இதுதான் நிலையா? : த.வெ.க அரசுக்கு மு.க.ஸ்டாலின் கேள்வி!
-
அரசியல் விளம்பரத்திற்காக... அனுமதியின்றி அணையைத் திறந்த த.வெ.க.வினர்! : தங்கம் தென்னரசு கண்டனம்!
-
“த.வெ.க ஆட்சி தானாகவே கவிழும்” : முன்னாள் அமைச்சர் ரகுபதி திட்டவட்டம்!