Politics
“ஆர்.எஸ்.எஸ் பேரணிக்கு அனுமதியளிக்காத எஸ்.பியை இடமாற்றம் செய்க” - சர்வாதிகாரத்தின் உச்சத்தில் பா.ஜ.க!
புதுக்கோட்டை மாவட்டம் இலுப்பூரில் ஆர்.எஸ்.எஸ் பேரணி நடத்த அனுமதி கோரியதற்கு மாவட்ட எஸ்.பி செல்வராஜ் மறுத்துள்ளார். இதனையடுத்து அவரை வேறு இடத்துக்கு மாற்றக்கோரி ராமநாதபுரம் மண்டல பா.ஜ.க இளைஞரணி பா.ஜ.க தலைமைக்கு கடிதம் எழுதியுள்ளது.
ராமநாதபுரம் மண்டல பா.ஜ.க இளைஞரணி பொறுப்பாளர் டி.எஸ். பாண்டியராஜ் மத்திய உள்துறை அமைச்சர் அமித்ஷாவுக்கு எழுதியுள்ள கடிதத்தில், “இலுப்பூரில் ஆர்.எஸ்.எஸ் பேரணி நடத்த புதுக்கோட்டை மாவட்ட கண்காணிப்பாளர் செல்வராஜிடம் அனுமதி கோரியிருந்தோம்.
ஆனால் கடைசி நேரம் வரை பேரணி நடத்த மாவட்ட எஸ்.பி அனுமதியளிக்க மறுத்துள்ளார். அரசியல் நோக்கத்துடன் பேரணி நடத்த செல்வராஜ் அனுமதி அளிக்கவில்லை. ஆகவே செல்வராஜை வேறு இடத்துக்கு பணியிடமாற்றம் செய்யவேண்டும்” என பாண்டியராஜ் கேட்டுக்கொண்டுள்ளார்.
இந்தக் கடிதம் அரசியல் வட்டாரத்தில் பரபரப்பை ஏற்படுத்தியுள்ளது. மேலும், பேரணிக்கு அனுமதி தராததற்காக ஒரு காவல்துறை உயரதிகாரியை இடமாற்றம் செய்யவேண்டும் என தன் தலைமையிடம் பா.ஜ.க இளைஞரணி பொறுப்பாளர் கோரியிருப்பது சர்வாதிகாரப் போக்கையே காட்டுகிறது.
தங்களுக்கு ஏதுவாகச் செல்லவில்லை என்றால் அதிகார துஷ்பிரயோகம் செய்வோம் என் சொல்லாமல் சொல்லும் வகையிலேயே இந்த கடிதத்தைப் புரிந்துகொள்ள முடிகிறது.
புதுக்கோட்டை மாவட்டத்தின் இலுப்பூர் எவ்வித மத பாகுபாடுகளும் இல்லாமல் சிறுபான்மையினர் வசிக்கும் பகுதி. இலுப்பூரில் ஆர்.எஸ்.எஸ் பேரணியை நடத்தவேண்டும் என பா.ஜ.கவினர் துடிப்பது மத நல்லிணக்கத்துக்கு குந்தகம் விளைவித்து விடுமோ என்ற எண்ணத்தில் மாவட்ட எஸ்.பி அனுமதி மறுத்திருப்பார் என கூறப்படுகிறது.
Also Read
-
3 ஆண்டுகளாக பாலியல் தொல்லை : முன்ஜாமீன் கோரிய முன்னாள் அமைச்சர் ரேவண்ணா - கர்நாடக அரசியலில் அதிர்ச்சி !
-
மேற்கு வங்க ஆளுநர் மீது பாலியல் புகார் - மோடி கொல்கத்தா நேரத்தில் செல்லும் வெளிவந்த அதிர்ச்சி !
-
மீண்டும் மீண்டும் அவமானப்படும் மோடி! : பொய்களின் மேல் பொய்கள்!
-
"ரிங்கு சிங்கை அணியில் சேர்க்காதது மிகவும் கடினமான முடிவு" - தேர்வுக்குழு தலைவர் அகர்கர் கூறியது என்ன ?
-
தனியார்மயமாக்கலால் குறையும் அரசுப் பணிகள்! : மறைமுகமாக அழிக்கப்படும் இடஒதுக்கீடு!