57 தொகுதிகளுக்கு இறுதிக்கட்ட தேர்தல்... எந்தெந்த மாநிலங்களில் வாக்குப்பதிவு? - முழு விவரம்!

நாடு முழுவதும் 18-வது மக்களவைத் தேர்தல் நடைபெற்று வருகிறது. கடந்த ஏப்.19-ம் தேதி தொடங்கிய இந்த தேர்தல் ஜூன் 1-ம் தேதி வரை நடைபெறும்; ஜூன் 4-ம் தேதி வாக்கு எண்ணிக்கை நடைபெறவுள்ளது. இதனை முன்னிட்டு அனைத்து கட்சியினரும் தீவிர தேர்தல் பிரசாரத்தில் ஈடுபட்டு வந்த நிலையில், 6 கட்ட தேர்தல் நடந்து முடிந்துள்ளது.

இந்த சூழலில் 7-ம் கட்டமான இறுதிக்கட்ட தேர்தல் ஜூன் 1-ம் தேதி நடைபெறுகிறது. இதனை முன்னிட்டு இன்றுடன் (மே 30) தேர்தல் பிரசாரம் நிறைவடைந்தது. 7-ம் கட்ட தேர்தல் 8 மாநிலங்களில் 57 தொகுதிகளுக்கு ஜூன் 1-ம் தேதி காலை 7 மணி முதல் மாலை 6 மணி வரை நடைபெறவுள்ளது. 7-ம் கட்ட வாக்குப்பதிவு நடைபெறும் மாநிலங்களின் பட்டியல் பின்வருமாறு :

• உத்தர பிரதேசம் - 13

• பஞ்சாப் - 13

• பீகார் - 8

• மேற்கு வங்கம் - 9

• சண்டிகர் - 1

• ஹிமாச்சல பிரதேசம் - 4

• ஒடிசா - 6

• ஜார்க்கண்ட் - 3