India
வீட்டின் முன் சிறுநீர் கழித்ததால் சண்டை.. 12 வயது சிறுவன் சுட்டுக் கொலை: ம.பி-யில் அதிர்ச்சி சம்பவம்!
மத்திய பிரதேச மாநிலம், பிந்து மாவட்டத்திற்குட்பட்ட கோட் கிராமத்தைச் சேர்ந்தவர் விகாஸ் சிங். இவரது வீட்டின் முன்பு அதே கிராமத்தைச் சேர்ந்த பிந்து சர்மா குடித்து விட்டு அடிக்கடி சிறுநீர் கழித்து வந்துள்ளார்.
இது குறித்து விகாஸ் சிங் அவரிடம் கண்டித்தும் மீண்டும் மீண்டும் அவர் வீட்டின் முன்பே சிறுநீர் கழித்து வந்துள்ளார். இந்நிலையில் கடந்த செவ்வாயன்று மீண்டும் பிந்து சர்மா வீட்டின் முன்பு சிறுநீர் கழித்துள்ளார்.
இதனால் இருவருக்கும் இடையே வாக்குவாதம் ஏற்பட்டது. இதையடுத்து இது தொடர்பாகக் காவல்நிலையத்தில் விகாஸ் சிங் புகார் அளித்துள்ளார். பின்னர் மாலையில் விகாஸ் சிங் வீட்டிற்கு வந்த பிந்து சர்மா திடீரென தான் எடுத்து வந்த துப்பாக்கியால் சுட்டுள்ளார்.
இதில் வீட்டிற்குள் இருந்த கோலு வைஷ், விகாஸ் ரஜாவத், விஷ்ணு வைஷ் ஆகிய மூன்று பேர் மீது குண்டுபாய்ந்து காயம் ஏற்பட்டுள்ளது. இதில் 12 வயது சிறுவன் விஷ்ணு வைஷ் உயிரிழந்துள்ளார்.
இந்த சம்பவத்தை அடுத்துப் பிந்து சர்மா அவரது கூட்டாளி மீது போலிஸார் வழக்குப் பதிவு செய்து இருவரையும் கைது செய்து விசாரணை நடத்தி வருகின்றனர். சிறுநீர் கழித்ததால் ஏற்பட்ட சண்டையில் சிறுவன் ஒருவன் துப்பாக்கியால் சுட்டுக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.
Also Read
-
துளை வழியாக சேப்பாக்கம் மைதானத்தை பார்க்கும்போது இதைத்தான் நினைத்தேன் - நடராஜன் நெகிழ்ச்சி !
-
எல்லாம் தெரிந்தும் பிரஜ்வல் ரேவண்ணாவை ஆதரித்த மோடி : வெளிவந்த அதிர்ச்சி உண்மை!
-
உலகின் 3-ஆவது பெரிய பொருளாதார நாடாக இந்தியா மாறும் : ப.சிதம்பரம் குறிப்பிடுவது என்ன?
-
பிரஜ்வல் ரேவண்ணா வீடியோ விவகாரம் : பிரதமர் மோடி வாய் திறப்பாரா? - பிரியங்கா காந்தி கேள்வி!
-
"இனி என்னிடம் ஆலோசனை கேட்காதே" - ருத்துராஜிடம் கூறிய தோனி... பத்தினாத் வெளியிட்ட தகவல் !