DMK Government
“வீட்டில் ஒன்றுமில்லையாம்... வைக்கோல்போருக்குள் 1 கோடி ரூபாய்” - சிக்கிய அ.தி.மு.க எம்.எல்.ஏ!
தமிழகத்தில் ஏப்ரல் 6ஆம் தேதி சட்டப்பேரவைத் தேர்தல் நடைபெறவிருக்கும் நிலையில், அ.தி.மு.க வேட்பாளர்கள் பணத்தை வாரிறைத்து வாக்குகளைப் பெற முயன்று வருகின்றன.
ஆட்சியிலிருந்தபோது கொள்ளையடித்த பணத்தில் ஒருபகுதியை மக்களுக்கு லஞ்சமாகக் கொடுத்து வெற்றிபெறும் முயற்சியில் ஈடுபட்ட அ.தி.மு.க எம்.எல்.ஏ தற்போது சிக்கியுள்ளார்.
திருச்சி மாவட்டம் மணப்பாறை சட்டப்பேரவைத் தொகுதியில் மூன்றாவது முறையாக போட்டியிடுகிறார் அ.தி.மு.க எம்.எல்.ஏ சந்திரசேகர். இவரது நிறுவனத்தில் ஜே.சி.பி ஓட்டுநர்களாக பணியாற்றும் வலசுப்பட்டியை சேர்ந்த அழகர்சாமி, கோட்டைப்பட்டியை சேர்ந்த ஆனந்த ஆகியோர் வீடுகளில் வருமான வரி சோதனை நடத்தப்பட்டது.
மேலும், எம்.எல்.ஏ தொகுதி மேம்பாட்டு நிதியில் நடைபெறும் பணிகளுக்கான ஒப்பந்ததாரர் தங்கபாண்டியன் என்பவரது வீட்டிலும், வீரகோவில்பட்டியில் எம்.எல்.ஏவுக்கு நெருக்கமான ஒருவரின் கல்குவாரியிலும் வருமான வரித்துறை அதிகாரிகள் சோதனை மேற்கொண்டனர்.
இதில், வலசுப்பட்டியை சேர்ந்த ஜே.சி.பி ஓட்டுநர் அழகர்சாமி வீட்டிற்கு நள்ளிரவில் சென்று சோதனை மேற்கொண்ட வருமான வரித்துறையினர் ஒரு கோடி ரூபாய் பணத்தை பறிமுதல் செய்துள்ளனர்.
அழகர்சாமியின் வீட்டிலிருந்து சுமார் 50 மீட்டர் தொலைவில் இருந்த வைக்கோல்போரில் 500 ரூபாய் கட்டுகளாக பதுக்கி வைப்பட்டிருந்த 1 கோடி ரூபாய் பணத்தை பறிமுதல் செய்த வருமான வரித்துறை அதிகாரிகள் அவரது குடும்பத்தினரிடம் விசாரணை மேற்கொண்டனர்.
அ.தி.மு.க எம்.எல்.ஏ-விடம் பணியாற்றுபவரின் வீட்டின் வைக்கோல்போரிலிருந்து ரூபாய் 1 கோடி கைப்பற்றப்பட்டிருப்பது அப்பகுதியில் பெரும் பரபரப்பை ஏற்படுத்தியுள்ளது.
Also Read
-
“நான்காம் ஆண்டில் திராவிட மாடல் அரசு - சாதனை முதலமைச்சராக உயர்ந்து நிற்கிறார் மு.க.ஸ்டாலின்” : முரசொலி!
-
மதத்தை வைத்து பிரச்சாரம் செய்யும் மோடி மீது தேர்தல் ஆணையம் நடவடிக்கை எடுக்கவில்லை - ஜி.ராமகிருஷ்ணன் !
-
திக்கெட்டும் புகழ் பரப்பும் திராவிட நாயகர் : நாடும் ஏடும் போற்றும் 4 ஆம் ஆண்டு தொடக்கம்!
-
நீட் தேர்வுக்கு தயாராகி வந்த மாணவர் தற்கொலை : ராஜஸ்தானில் தொடரும் அதிர்ச்சி சம்பவங்கள் !
-
”பா.ஜ.கவுக்கு 150 இடங்கள்கூட கிடைக்காது” : தேர்தல் பிரச்சாரத்தில் ராகுல் காந்தி திட்டவட்டம்!