பிரபல சீரியல் நடிகையின் 6 வயது மகள் விபத்தில் பலி; கோர நிகழ்வால் திரையுலகத்தினர் சோகம்!

பெங்களூருவில் உள்ள கொனான்குண்டே என்ற பகுதியில் நேற்று (ஜன.,13) அன்று மாலை 4.30 மணியளவில் டூ வீலரில் சென்றுக் கொண்டிருந்த தாய் மகள் மீது எதிரே வந்த லாரி மோதியதில் விபத்துக்குள்ளாகியுள்ளது.

இந்த விபத்தில் சிக்கியது கன்னட தொலைக்காட்சியில் 25க்கும் மேலான சீரியலில் நடித்த நடிகை அம்ருதா நாயுடுவும் அவரது 6 வயது மகளான சாம்னவியும்தான். இந்த சாம்னவி பிரபல கன்னட பொழுதுபோக்கு நிகழ்ச்சியான நன்னம்மா சூப்பர் ஸ்டாரில் பங்கேற்று பலரது பாராட்டையும் பெற்றவர் ஆவார்.

இந்நிலையில் அம்ருதாவும் சாம்னவி வந்த இருசக்கர வாகனம் மீது லாரி ஏறியதில் சாம்னவி சம்பவ இடத்திலேயே உயிரிழந்திருக்கிறார். பலத்த காயமுற்ற அம்ருதாவுக்கு கிம்ஸ் மருத்துவமனையில் தீவிர சிகிச்சை வழங்கப்பட்டு வருகிறது.

விபத்து ஏற்படுத்திய லாரியை பறிமுதல் செய்ததோடு லாரி ஓட்டுநரையும் குமாரசாமி லே அவுட் போலிஸார் கைது செய்து விசாரித்து வருகின்றனர்.

இந்த கோர நிகழ்வு கன்னட தொலைக்காட்சி ரசிகர்களையும் திரையுலகளிலும் அதிர்ச்சியையும் சோகத்தையும் ஏற்படுத்தியுள்ளது.