Cinema
கார்த்தி - ஜோதிகாவின் 'தம்பி' ஆடியோ ரிலீஸ் எப்போது? - படக்குழு அறிவிப்பு!
‘கைதி’ படத்துக்குப் பிறகு கார்த்தி நடிப்பில் உருவாகி வரும் படம் ‘தம்பி’. இதனை த்ரிஷ்யம் புகழ் ஜீத்து ஜோசப் இயக்கியுள்ளார். சத்யராஜ், ஜோதிகா, சீதா, செளகார் ஜானகி என பலர் நடித்திருக்கும் இந்த படத்தின் டீசர் அண்மையில் வெளியாகி ரசிகர்களின் ஆவலை அதிகரிக்கச் செய்துள்ளது.
ஜீத்து ஜோசப்பின் வழக்கமான த்ரில்லர் பாணியில் உருவாகியிருக்கும் இந்தப் படத்தில் கார்த்தியும், ஜோதிகாவும் அக்கா தம்பியாக நடித்துள்ளனர். மேலும், கார்த்திக்கு ஜோடியாக நிகிலா விமல் நடித்துள்ளார்.
டிசம்பர் 20ம் தேதி ‘தம்பி’ ரிலீசாகும் எனத் தெரிவிக்கப்பட்ட நிலையில் படத்தின் போஸ்ட் புரொடக்ஷன் வேலைகள் தீவிரமாக நடைபெற்று வருகின்றன. இந்நிலையில், படத்தின் இசை வெளியீட்டு விழா வருகிற 30ம் தேதி நடைபெற இருப்பதாகத் தெரிவிக்கப்பட்டுள்ளது.
இந்தப் படத்துக்கு ‘96’ படத்துக்கு இசையமைத்த கோவிந்த் வசந்தா இசையமைத்துள்ளார். முழுக்க முழுக்க ரொமான்ஸ், காதல் என உருவாகியிருந்த ‘96’ படத்தில் இசையமைத்திருந்த கோவிந்த் வசந்தா, த்ரில்லர், ஆக்ஷன் நிறைந்ததாக உருவாகியுள்ள ‘தம்பி’ படத்தில் மாறுபட்ட இசையமைப்பில் அசத்தியிருப்பார் என ரசிகர்கள் எதிர்பார்த்து காத்திருக்கின்றனர்.
Also Read
-
போதைப் பொருட்களை பதுக்கிய அதிமுக ஜெயக்குமாரின் உறவினர் கைது : போலிஸ் அதிரடி!
-
வெறுப்பு பேச்சு - பிரதமர் மோடியின் வீடியோவை நீக்கிய Instagram!
-
”சமூகநீதியை பறிக்கும் மோடியின் தனியார்மயம்” : ராகுல் காந்தி MP விமர்சனம்!
-
UPSC தேர்வில் பீடித்தொழிலாளி மகள் வெற்றி : இளைஞர்களுக்கு ஒளிவிளக்காக இருக்கும் நான் முதல்வன் திட்டம்!
-
”இடஒதுக்கீடு குறித்த வரலாற்றை மறந்து பொய் பேசும் மோடி” : ப.சிதம்பரம் கண்டனம்!