Corona Virus

அவசர மருத்துவ தேவைக்கான E-Pass நிராகரிப்பு: கொரோனாவை தவிர மற்ற நோயால் தவிப்பவர்கள் மீது கவலையில்லையா?

டையாலிசிஸ் சிகிச்சை அவசர தேவையில்லை எனக் கூறி இ-பாஸ் விண்ணப்பம் நிராகரிக்கப்பட்டுள்ளது.

  • Twitter
  • Facebook
  • WhatsApp
Updated on

கொரோனா பரவல் தீவிரமடைந்ததன் காரணமாக சென்னை, காஞ்சிபுரம், திருவள்ளூர், செங்கல்பட்டு மற்றும் மதுரை ஆகிய மாவட்டங்களுக்கு ஜூன் 30ம் தேதி வரையில் முழு ஊரடங்கு அறிவிக்கப்பட்டு அத்தியாவசிய தேவைகளுக்கு மட்டும் கட்டுப்பாட்டுடன் கூடிய அனுமதிகள் வழங்கப்பட்டது.

மேலும், திருமணம், இறப்பு, மருத்துவ அவசர தேவை உள்ளிட்டவைகளுக்காக வெளி மாவட்டங்களுக்கு செல்ல வேண்டுமெனில் கட்டாயம் இ பாஸ் பெற்றிருக்க வேண்டும் எனவும் தமிழக அரசு தெரிவித்திருந்தது. இதன் காரணமாக சென்னையில் இருந்து பலர் பிற மாவட்டங்களுக்கு இ-பாஸ் விண்ணப்பித்து சென்றிருக்கிறார்கள்.

அவசர மருத்துவ தேவைக்கான E-Pass நிராகரிப்பு: கொரோனாவை தவிர மற்ற நோயால் தவிப்பவர்கள் மீது கவலையில்லையா?

இந்த இ பாஸ் வழங்குவதிலும் பல்வேறு குழப்பங்கள், குளறுபடிகள், மோசடிகள் என அரசு அதிகாரிகளே செய்வது தொடர்ந்து வருகிறது. போலி இ பாஸ் மூலமும், பொய்யான காரணங்களை முன்னிறுத்தி விண்ணப்பிப்போருக்கு இ-பாஸ் வழங்கும் அரசு அதிகாரிகள், முறையான உண்மையான மருத்துவ அவசர தேவைகளுக்காக விண்ணப்போரின் கோரிக்கைகளை நிராகரித்து வருவது நிகழ்ந்து வருகிறது.

இந்நிலையில், மருத்துவ அவசர தேவைக்காக முறையான ஆவணங்களை கொடுத்து விண்ணப்பிக்கப்படும் இ-பாஸ் தொடர்ந்து நிராகரிக்கப்பட்டு வருகிறது என்று குற்றச்சாட்டு எழுந்துள்ளது. மேலும்,

மக்களின் இ-பாஸ் விண்ணப்பங்களை பரிசீலிப்பவர் உண்மையில் மருத்துவ தேவையின் அவசரத்தை உணர்ந்த, அது குறித்த அடிப்படை அறிவை பெற்றவர்தானா என கேள்வி எழுந்துள்ளது.

அவசர மருத்துவ தேவைக்கான E-Pass நிராகரிப்பு: கொரோனாவை தவிர மற்ற நோயால் தவிப்பவர்கள் மீது கவலையில்லையா?

தனது மருத்துவ தேவைக்கான தனது இ-பாஸ் நிராகரிக்கப்பட்டதை அடுத்து அரசின் இ-பாஸ் நிலையத்தை வெகு நேரத்திற்கு பிறகு தொடர்பு கொண்டபோது, டயாலிசிஸ் சிகிச்சை அத்தியாவசிய தேவை இல்லை என்பதால் அவற்றுக்கு இ-பாஸ் வழங்கப்படுவதில்லை என பதிலளிக்கப்பட்டுள்ளது.

இதையடுத்து அதிருப்தியடைந்த விண்ணப்பதாரர், கொரோனாவால் பாதிக்கப்பட்டவர்களை தவிர இதர நோய்களால் பாதிக்கப்பட்டாலோ உயிரிழந்தாலோ அரசுக்கு கவலையில்லை? மருத்துவ தேவைக்காக விண்ணப்பிக்கும் போது அதனை பரிசீலிக்கும் நபர் மருத்துவம் சார்ந்த அவசர தேவையை அறிந்த தகுதியானவரை நியமிக்க அரசு உரிய நடவடிக்கை எடுக்க வேண்டும் என்றும் வலியுறுத்தியுள்ளவர், எல்லாவற்றையும் நிராகரிப்பதற்கு பதில் உண்மையான காரணங்களை முன்வைக்கும் விண்ணப்பங்கள அங்கீகரிக்க வேண்டும் என்றும் கேட்டுக்கொள்ளப்பட்டிருக்கிறது.

banner

Related Stories

Related Stories