Corona Virus

#Corona : "மரணத்தை விட நாடகம்தான் பெரிதா?” - மோடியை வறுத்தெடுக்கும் ஜிக்னேஷ் மேவானி!

குஜராத் எம்.எல்.ஏ ஜிக்னேஷ் மேவானி, மோடியைக் கடுமையாக விமர்சித்துள்ளார்.

#Corona : "மரணத்தை விட நாடகம்தான் பெரிதா?” - மோடியை வறுத்தெடுக்கும் ஜிக்னேஷ் மேவானி!
  • Twitter
  • Facebook
  • WhatsApp
Vignesh Selvaraj
Updated on

கொரோனா வைரஸ் உலகையே அச்சுறுத்தி வரும் நிலையில், இந்தியாவிலும் தீவிரத்தைக் காட்டி வருகிறது. கொரோனா வைரஸ் பரவலைக் கட்டுப்படுத்துவதற்காக நாடெங்கும் ஊரடங்கு கடைபிடிக்கப்பட்டு வருகிறது.

கொரோனா வைரஸ் தொற்றைக் கட்டுப்படுத்துவது தொடர்பாக ஏற்கெனவே இருமுறை நாட்டு மக்களிடையே உரையாற்றிய பிரதமர் மோடி, இன்று நாட்டு மக்களுக்கு வீடியோ செய்தி ஒன்றை வெளியிட்டார்.

அதில் பிரதமர் மோடி பேசும்போது, “ஏப்ரல் 5ம் தேதி இரவு 9 மணிக்கு வீட்டில் உள்ள மின்சார விளக்குகளை அணைத்துவிட்டு 9 நிமிடங்கள், வீட்டின் நான்கு மூலைகளிலும் டார்ச், அகல் விளக்குகள், மொபைல் டார்ச் லைட், மெழுகுவர்த்தியை ஏற்ற வேண்டும். அப்போது நாட்டு மக்கள் பற்றி அனைவரும் சிந்திக்க வேண்டும்.” என அறிவுறுத்தியுள்ளார்.

மோடியின் இதுபோன்ற அறிவியல்பூர்வமற்ற அறிவிப்புகளால் கொரோனா வைரஸ் தொற்றை எதிர்கொள்ள முடியாது என எதிர்க்கட்சிகள் விமர்சித்து வருகின்றன. இந்நிலையில் குஜராத் எம்.எல்.ஏ ஜிக்னேஷ் மேவானி, மோடியைக் கடுமையாக விமர்சித்துள்ளார்.

இதுகுறித்து ஜிக்னேஷ் மேவானி தனது ட்விட்டர் பக்கத்தில், “இந்தியாவில் உள்ள 33.5 கோடி குடும்பங்கள், ஒரு விளக்கு அல்லது மெழுகுவர்த்தி வாங்கினால், அதற்கு 670 கோடி ரூபாய் செலவாகும். அதற்கு ஈடாக பிரதமர் நரேந்திர மோடி, சுகாதாரத் துறை ஊழியர்கள் மற்றும் துப்புரவுப் பணியாளர்களுக்கு பாதுகாப்பு உபகரணங்கள் வாங்க உடனடியாக 670 கோடி ரூபாயை ஒதுக்க வேண்டும்.

உலகளவில் சுகாதார அவசரநிலை நிலவும் சூழலில், பிரதமர் மோடி, தட்டுப்பாடாக இருக்கும் முகக் கவசங்கள் பற்றியும், மருத்துவ உபகரணங்கள் பற்றியும், நிவாரண உதவிகள் பற்றியும் பேசியிருக்க வேண்டும்.

ஆனால், பிரதமர் மோடியோ மெழுகுவர்த்திகள் பற்றியும் விளக்குகள் பற்றியும் அறிவித்துள்ளார். மரணங்களைவிட நாடகம்தான் பெரிதா?” எனக் கேள்வி எழுப்பியுள்ளார்.

banner

Related Stories

Related Stories