Corona Virus

கொரோனா வைரஸால் பிரபல ஹாலிவுட் நடிகர் மார்க் ப்ளம் மரணம் - அதிர்ச்சியில் ஹாலிவுட் திரையுலகம்!

கொரோனா வைரஸால் பாதிக்கப்பட்ட ஹாலிவுட் நடிகர் மார்க் ப்ளம் காலமானார்.

  • Twitter
  • Facebook
  • WhatsApp
பி.என்.எஸ்.பாண்டியன்
Updated on

பிரபல ஹாலிவுட் நடிகர் மார்க் ப்ளம் கொரோனா வைரஸ் காய்ச்சலால் பாதிக்கப்பட்டு ஆஸ்பத்திரியில் சிகிச்சை பெற்று வந்தார். இந்நிலையில் அவர் சிகிச்சை பலனின்றி உயிரிழந்தார். அவருக்கு வயது 69. இந்தத் தகவல் ஹாலிவுட் திரையுலகினர் மத்தியில் அதிர்ச்சியை ஏற்படுத்தி உள்ளது.

மார்க் ப்ளம் 1970-ம் ஆண்டில் இருந்து திரைப்படங்களில் நடித்து வருகிறார். 1985-ல் வெளியான ‘டெஸ்பரேட்லி சிக்கிங் சூஸன்’ என்ற படத்தில் சிறந்த நடிப்பை வெளிப்படுத்தி இருந்ததாக பாராட்டப்பட்டார். ‘ஜஸ்ட் பிட்வீன் பிரண்ட்ஸ்’, ‘க்ரொக்கடைல் டண்டி’, ‘பிளசண்ட் டே’, ‘லவ்சிக்’, ‘த பிரசிடியோ’ உள்ளிட்ட பல படங்களில் மார்க் ப்ளம் நடிப்பு பேசப்பட்டது.

மார்க் ப்ளம் தொலைக்காட்சி தொடர்களிலும் நடித்து இருக்கிறார். ஏற்கனவே ஹாலிவுட் நடிகர்கள் இத்ரிஸ் எல்பா, கிறிஸ்டோபர் ஹிவ்ஜு, ஹாலிவுட் நடிகை இந்திரா வர்மா, ஸ்பெயின் நடிகை இட்ஸியார் இட்னோ ஆகியோருக்கும் கொரோனா தொற்று ஏற்பட்டு சிகிச்சை பெற்று வருகிறார்கள்.

ஹாலிவுட் நடிகர் டாம் ஹாங்க்ஸ், நடிகை ஒல்கா குரிலென்கோ ஆகியோர் கொரோனா காய்ச்சலில் சிக்கி சிகிச்சை மூலம் குணமடைந்துள்ளனர் என்பது குறிப்பிடத்தக்கது .

banner

Related Stories

Related Stories