Corona Virus

#Corona LIVE | கொரோனாவால் உயிரிழந்தவர்களின் எண்ணிக்கை 69,423 ஆக உயர்வு - 45,619 பேர் கவலைக்கிடம்!

உலக மக்களை அச்சுறுத்தும் கொரோனா வைரஸ் குறித்த உடனடி தகவல்கள்..

  • Twitter
  • Facebook
  • WhatsApp
Updated on
6 April 2020, 04:10 AM

இந்தியாவில் கொரோனாவால் பாதிக்கப்பட்டவர்களின் எண்ணிக்கை 4,288 ஆக உயர்வு!

இந்தியாவில் கொரோனாவால் பாதிக்கப்பட்டவர்களின் எண்ணிக்கை 4,288 ஆக அதிகரித்துள்ளது. இந்தியாவில் கொரோனாவால் உயிரிழந்தோர்களின் எண்ணிக்கை 109 ஆக அதிகரித்துள்ளது.

6 April 2020, 03:52 AM

கொரோனாவால் உயிரிழந்தவர்களின் எண்ணிக்கை 69,423 ஆக உயர்வு!

உலகம் முழுவதும் கொரோனாவால் உயிரிழந்தவர்களின் எண்ணிக்கை 69,423 ஆக உயர்ந்துள்ளது. உலகம் முழுவதும் கொரோனாவால் 1,272,848 பேர் பாதிக்கப்பட்டுள்ளனர். மேலும் 45,619 பேர் கவலைக்கிடமான நிலையில் மருத்துவமனையில் சிகிச்சை பெற்று வருகின்றனர்.

5 April 2020, 04:07 AM

தமிழகத்தில் உயிரிழந்தோர் எண்ணிக்கை 5 ஆக உயர்வு!

சென்னை ஸ்டான்லி அரசு மருத்துவமனையில் கொரோனா வைரஸால் பாதிக்கப்பட்டு சிகிச்சை பெற்று வந்த 61 வயது முதியவர் உயிரிழப்பு.

4 April 2020, 03:48 PM

பகல் 1 மணி வரை மட்டுமே பெட்ரோல், டீசல்!

நாளை முதல் பெட்ரோல் பங்குகள் காலை 6 மணி முதல் பகல் 1 மணி வரை மட்டுமே செயல்படும். ஆம்புலன்ஸ் உள்ளிட்ட அவசர தேவைகளுக்கு மட்டும் எப்போதும் போல விற்பனை செய்யப்படும்.

- பெட்ரோல் விற்பனையாளர் சங்கம் அறிவிப்பு

4 April 2020, 02:02 PM

உலகம் முழுவதும் கொரோனா வைரஸ் பாதிப்பால் உயிரிழந்தவர்களின் எண்ணிக்கை 61,142-ஆக உயர்வு!

4 April 2020, 12:58 PM

தமிழகத்தில் வீட்டில் கண்காணிப்பில் இருப்பவர்களின் எண்ணிக்கை: 90,543 - சுகாதாரத்துறை செயலர் பீலா ராஜேஷ் தகவல்!

4 April 2020, 12:58 PM

4,248 பேரின் ரத்த மாதிரிகள் ஆய்வகத்துக்கு அனுப்பப்பட்டதில் 3,356 பேருக்கு கொரோனா தொற்று இல்லை என கண்டறியப்பட்டுள்ளது.

- சுகாதாரத்துறை செயலாளர் பீலா ராஜேஷ்

4 April 2020, 12:46 PM

தமிழகத்தில் இன்று புதிதாக 74 பேருக்கு கொரோனா பாதிப்பு உறுதியானது. தமிழகத்தில் கொரோனா பாதிக்கப்பட்டவர்களின் எண்ணிக்கை 485 ஆக அதிகரிப்பு!

- சுகாதாரத்துறை செயலர் பீலா ராஜேஷ் தகவல்!

3 April 2020, 04:36 PM

மாநிலங்களுக்கு ரூ.11,092 பேரிடர் மேலாண்மை நிதி!

கொரோனா தடுப்பு நடவடிக்கைகளுக்காக மாநிலங்களுக்கு ரூ.11,092 பேரிடர் மேலாண்மை நிதி ஒதுக்க மத்திய உள்துறை அமைச்சர் அமித்ஷா ஒப்புதல் அளித்துள்ளதாக தகவல் வெளியாகியுள்ளது.

3 April 2020, 04:30 PM

டெல்லியில் கொரோனா வைரஸால் பாதிக்கப்பட்டவர்களின் எண்ணிக்கை 386-ஆக அதிகரிப்பு!

3 April 2020, 03:56 PM

தமிழகத்தில் அதிகரிக்கும் கொரோனா பரவல்!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
3 April 2020, 03:16 PM

இதுவரை இல்லாத வகையில் இந்தியாவில் கடந்த 24 மணி நேரத்தில் 478 பேருக்கு புதிதாக கொரோனா உறுதியானது!

3 April 2020, 03:15 PM

இந்தியாவில் 2,547 பேருக்கு கொரோனா!

இந்தியாவில் கொரோனா வைரஸால் 62 பேர் உயிரிழப்பு: பாதிக்கப்பட்டவர்களின் எண்ணிக்கை 2,547-ஆக உயர்வு!

3 April 2020, 03:14 PM

சென்னை மாநகராட்சி எச்சரிக்கை!

மகாவீர் ஜெயந்தியை முன்னிட்டு வரும் 6ம் தேதி ஒருநாள் மட்டும் ஆட்டிறைச்சி, கோழி, மீன் கடைகள் மூடப்படும்.

மற்ற நாட்களில் விற்பனையின்போது சமூக விலகலை பின்பற்றாமல் இருந்தால் கடைகளுக்கு சீல் வைக்கப்படும்.

- சென்னை மாநகராட்சி எச்சரிக்கை

3 April 2020, 03:13 PM

உலகளவில் கொரோனா உயிரிழப்பு 55 ஆயிரத்தைக் கடந்தது!

உலகளவில் கொரோனாவால் உயிரிழந்தவர்களின் எண்ணிக்கை 55,163 ஆக அதிகரித்துள்ளது.

உயிரிழந்தோர் எண்ணிக்கை

இத்தாலி - 13,915

ஸ்பெயின் - 10,935

அமெரிக்கா - 6,095

பிரான்ஸ் - 5,387

3 April 2020, 11:22 AM

தமிழகத்தில் ஒரே நாளில் 102 பேருக்கு கொரோனா தொற்று இருப்பது உறுதி செய்யப்பட்டுள்ளது. இதுவரை 411 பேருக்கு கொரோனா பாதிப்பு.

- சுகாதாரத்துறை அமைச்சர் விஜயபாஸ்கர் தகவல்!

3 April 2020, 03:08 AM

53,166 ஆக உயர்ந்த உயிரிழப்பு!

உலகம் முழுவதும் கொரோனா வைரஸால் உயிரிழந்தவர்களின் எண்ணிக்கை 53,166 ஆக உயர்ந்துள்ளது. அதேப்போல், பாதிக்கப்பட்டவர்களின் எண்ணிக்கை 1,014,499 ஆக அதிகரித்துள்ளது.

குறிப்பாக இத்தாலி, ஸ்பெயின், அமெரிக்கா, ஈரான் உள்ளிட்ட நாடுகள் கொரோனா தொற்றால் அதிகம் பாதிக்கப்பட்டுள்ளன.

2 April 2020, 04:38 PM

50 ஆயிரத்தைக் கடந்த உயிரிழப்பு!

உலகம் முழுவதும் கொரோனாவால் 50,234 பேர் உயிரிழப்பு. பாதிக்கப்பட்டவர்களின் எண்ணிக்கை 9,80,519-ஆக உயர்வு.

2 April 2020, 04:35 PM

இஸ்லாமிய மாநாட்டில் பங்கேற்ற 182 பேர் உட்பட டெல்லியில் கொரோனா பாதித்தவர்களின் எண்ணிக்கை 293 ஆக அதிகரிப்பு!

- டெல்லி அரசு தகவல்

2 April 2020, 12:53 PM

தமிழ்நாட்டில் கொரோனா தொற்று உறுதி செய்யப்பட்டவர்களின் எண்ணிக்கை 309.

இன்று மட்டும் 75 பேருக்கு தொற்று கண்டறியப்பட்டுள்ளது. தமிழகத்தில் தொற்று உறுதியானவர்களில் 264 பேர் டெல்லி சென்று திரும்பியவர்கள்.

- சுகாதாரத்துறை செயலாளர் பீலா ராஜேஷ்.

1 April 2020, 05:01 PM

கொரோனா அச்சுறுத்தல் - விம்பிள்டன் தொடர் ரத்து!

இரண்டாம் உலகப் போருக்கு பின்னர் முதன்முறையாக விம்பிள்டன் டென்னிஸ் தொடர் ரத்து செய்யப்பட்டுள்ளது.

1 April 2020, 04:26 PM

டிக்-டாக் நிறுவனம் நிதி உதவி!

கொரோனா குறித்து பல்வேறு விழிப்புணர்வு முயற்சிகளை மேற்கொண்டு வரும் பிரபல பொழுதுபோக்கு செயலி நிறுவனமான டிக்-டாக், மருத்துவர்கள் மற்றும் மருத்துவ பணியாளர்களுக்கு 4 லட்சம் பாதுகாப்பு உபகரணங்களை வழங்க உள்ளதாக அறிவித்துள்ளது. இதன் இந்திய மதிப்பு ரூ.100 கோடி.

1 April 2020, 04:21 PM

புதுச்சேரியில் மேலும் ஒருவருக்கு கொரோனா!

டெல்லி மாநாட்டில் பங்கேற்ற திருவண்டார்கோயில் பகுதியைச் சேர்ந்த ஒருவருக்கு கொரோனா பாதிப்பு உறுதி செய்யப்பட்டுள்ளது. இதன்மூலம் புதுச்சேரியில் பாதிக்கப்பட்டோர் எண்ணிக்கை 3 ஆக உயர்வு.

- மாநில சுகாதாரத்துறை

1 April 2020, 04:20 PM

டெல்லியில் மருத்துவருக்கு கொரோனா!

டெல்லியில் புற்றுநோய் மருத்துவமனையில் பணியாற்றும் மருத்துவருக்கு கொரோனா உறுதி செய்யப்பட்டுள்ளதால் அந்த மருத்துவமனை தற்போது கண்காணிப்பின் கீழ் கொண்டுவரப்பட்டுள்ளது.

1 April 2020, 02:35 PM

உலகம் முழுவதும் கொரோனாவால் பலியானவர்கள் எண்ணிக்கை 44,000-ஐ கடந்தது: இன்று ஒரே நாளில் 1,848 பேர் உயிரிழப்பு!

1 April 2020, 02:35 PM

தமிழகத்தில் 15 மாவட்டங்களுக்கு பரவியிருந்த கொரோனா, மேலும் 4 மாவட்டங்களுக்கு பரவி 19ஆக உயர்ந்தது!

1 April 2020, 11:57 AM

இந்தியாவில் கடந்த 24 மணி நேரத்தில் புதிதாக 386 பேருக்கு கொரோனா தொற்று ஏற்பட்டிருப்பது உறுதிசெய்யப்பட்டுள்ளது. இதுவரை மொத்தமாக 1,637 பேருக்கு கொரோனா உறுதிசெய்யப்பட்டுள்ளது.

- உள்துறை அமைச்சகம் தகவல்.

31 March 2020, 05:07 PM

இந்தியாவில் புதிதாக 146 பேருக்கு கொரோனா பாதிப்பு உறுதி!

கடந்த 24 மணி நேரத்தில் இந்தியாவில் புதிதாக 146 பேருக்கு கொரோனா பாதிப்பு உறுதி செய்யப்பட்டுள்ளது. இதுவரை 124 பேர் குணமடைந்துள்ளனர். 1,238 பேர் சிகிச்சையில் உள்ளனர்.

- மத்திய சுகாதாரத்துறை தகவல்.

31 March 2020, 05:06 PM

நெல்லையில் மேலப்பாளையம் மண்டலம் முழுமையாக தனிமைப்படுத்தப்பட்டது.

- மாவட்ட ஆட்சியர் தகவல்.

31 March 2020, 02:44 PM

"தமிழகத்தில் இருந்து டெல்லி மாநாட்டில் 1,131 பேர் பங்கேற்றுள்ளனர். அவர்கலீல் பேரில் 515 பேரை கண்டறிந்து தனிமைப்படுத்தி விட்டோம். மீதமுள்ள 616 பேரை தேடி வருகிறோம்!"

- சுகாதாரத்துறை செயலாளர் பீலா ராஜேஷ்

31 March 2020, 02:38 PM

தமிழகத்தில் இன்று ஒரே நாளில் 57 பேருக்கு கொரோனா தொற்று உறுதி!

தமிழகத்தில் இன்று ஒரே நாளில் 57 பேருக்கு கொரோனா தொற்று உறுதிசெய்யப்பட்டுள்ளது. தமிழகத்தில் கொரோனா பாதிப்பு உறுதி செய்யப்பட்டவர்களின் எண்ணிக்கை 124 ஆக அதிகரித்துள்ளது.

31 March 2020, 01:27 PM

கொரோனாவால் பாதிக்கப்பட்டோரின் எண்ணிக்கை 8 லட்சத்தைக் கடந்தது!

உலகம் முழுவதும் கொரோனாவால் பாதிக்கப்பட்டோரின் எண்ணிக்கை 8 லட்சத்தைக் கடந்தது. உலகம் முழுவதும் கொரோனாவால் உயிரிழந்தோரின் எண்ணிக்கை 39 ஆயிரத்தை நெருங்குகிறது.

31 March 2020, 04:18 AM

மகாராஷ்டிராவில் மேலும் ஐவருக்கு கொரோனா!

31 March 2020, 04:18 AM

மேற்கு வங்கத்தில் மேலும் ஒருவர் பலி!

31 March 2020, 04:17 AM

ராஜஸ்தானில் கொரோனா பாதிப்பு 76 ஆக உயர்ந்தது

17 வயது சிறுமி உட்பட 4 பேருக்கு ராஜஸ்தானில் புதிதாக கொரோனா தொற்று உறுதிபடுத்தப்பட்டுள்ளது.

31 March 2020, 04:09 AM

கேரளாவில் கொரோனாவுக்கு 2 பேர் பலி

30 March 2020, 07:40 AM

தமிழகத்தில் ஒரே நாளில் 17 பேருக்கு கொரோனா பாதிப்பு!

தமிழகத்தில் இன்று ஒரே நாளில் மட்டும் 17 பேர் கொரோனா வைரஸ் பாதிப்புக்கு உள்ளாகியுள்ளனர். இதனால் தமிழகத்தில் பாதிக்கப்பட்டோர் எண்ணிக்கை 67 ஆக உயர்ந்துள்ளது.

30 March 2020, 03:55 AM

கொரோனா கொடூரம்: உலகளவில் உயிரிழந்தோர் எண்ணிக்கை 33,956 ஆக உயர்வு

உலகளவில் கொரோனா உயிரிழப்பு 34 ஆயிரத்தை நெருங்குகிறது என உலக சுகாதார மையம் தெரிவித்துள்ளது. உலகளவில் கொரோனா வைரஸால் உயிரிழந்தோரின் எண்ணிக்கை 33,956 ஆக அதிகரித்துள்ளது.

இத்தாலியில் 10 ஆயிரத்து 779 பேர் பலியாகி உள்ளனர். இங்கு, 97, 689 பேருக்கு பாதிப்பு ஏற்பட்டுள்ளது. அடுத்தப்படியாக, அமெரிக்காவில் 2,475 பேர் பலியாகி உள்ளனர். ஒரு லட்சத்து 41 ஆயிரத்து 812 பேர் பாதிக்கப்பட்டுள்ளனர்.

29 March 2020, 03:18 AM

நிதி ஆயோக்கின் சிறப்புக் குழு எச்சரிக்கை!

கொரோனா வைரஸ் முதல் மற்றும் இரண்டாம் நிலையை கடந்து, சமூக தொற்று எனப்படும் அபாயகரமான 3ம் கட்டத்தை அடுத்த 5 முதல் 10 நாட்களில் இந்தியா சந்திக்கும்.

- நிதி ஆயோக்கின் சிறப்புக் குழு ஒருங்கிணைப்பாளர் எச்சரிக்கை

29 March 2020, 03:16 AM

கொரோனா ஊரடங்கில் கடைபிடிக்கப்பட வேண்டியவை!

29 March 2020, 03:14 AM

கொரோனாவால் உயிரிழந்தவர்கள் எண்ணிக்கை 31 ஆயிரத்தை நெருங்கியது.

உலகளவில் கொரோனாவால் உயிரிழந்தவர்கள் எண்ணிக்கை 31 ஆயிரத்தை நெருங்கியது.

பல்வேறு நாடுகளைச் சேர்ந்த 30,851 பேர் கொரோனா வைரஸால் உயிரிழந்துள்ளனர். உலகம் முழுவதும் கொரோனாவால் பாதிக்கப்பட்டோரின் எண்ணிக்கை 6,62,967 ஆக உயர்ந்துள்ளது.

28 March 2020, 05:48 PM

இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை 1021 ஆக உயர்வு!

28 March 2020, 04:20 PM

இந்தியாவில் 1000-ஐ எட்டிய கொரோனா பாதிப்பு!

இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை 1003 ஆக உயர்வு. இன்று ஒரே நாளில் 117 பேருக்கு பாதிப்பு உறுதிசெய்யப்பட்டுள்ளது.

28 March 2020, 04:21 PM

குவிந்த புலம்பெயர் தொழிலாளர்கள்!

புலம்பெயர்ந்த தொழிலாளர்கள் தத்தம் சொந்த ஊர்களுக்குச் செல்வதற்காக பல்வேறு பகுதிகளிலிருந்து நடந்து வந்து டெல்லி ஆனந்த் விஹார் பேருந்து முனையத்தில் குவிந்துள்ளனர்.

28 March 2020, 01:34 PM

தமிழகத்தில் கொரோனாவால் பாதிக்கப்பட்டோரின் எண்ணிக்கை 41-ஆக அதிகரிப்பு!

தமிழகத்தில் கொரோனாவால் பாதிக்கப்பட்டோரின் எண்ணிக்கை 41-ஆக அதிகரிப்பு.

- சுகாதாரத்துறை தகவல்

28 March 2020, 07:03 AM

தமிழகத்தில் மேலும் 2 பேருக்கு கொரோனா!

28 March 2020, 07:01 AM

கேரளாவில் முதல் உயிரிழப்பு!

கேரளாவில் கொரோனாவால் பாதிக்கப்பட்டு சிகிச்சை பெற்றுவந்த 69 வயது முதியவர் உயிரிழப்பு.

28 March 2020, 06:59 AM

கொரோனா வார்டில் ஒரே நாளில் 3 பேர் பலி!

கன்னியாகுமரி அரசு மருத்துவமனையின் கொரோனா வார்டில் ஒரே நாளில் 3 பேர் பலி

கொரோனா வார்டில் அனுமதிக்கப்பட்ட 2 வயது குழந்தை உட்பட 3 பேர் இன்று ஒரே நாளில் உயிரிழந்துள்ளனர்.

இந்த 3 பேருக்கும் கொரோனா பரிசோதனை முடிவுகள் வரவில்லை என மருத்துவமனை தகவல்

28 March 2020, 03:48 AM

கொரோனா தாக்குதலுக்கு உயிரிழந்தோர் எண்ணிக்கை 27,532 ஆக உயர்வு

உலகளவில் நேற்று 24 ,341 பேர் உயிரிழந்த நிலையில் கடந்த 24 மணி நேரத்தில் சுமார் 3,000 பேர் உயிரிழந்துள்ளனர்.

இதன் மூலம் கொரோனா வைரஸ் காரணமாக உயிரிழந்தோர் எண்ணிக்கை 27,352 ஆக உயர்ந்துள்ளது. உலகளவில் 5,94,687 பேர் பாதிக்கப்பட்டுள்ளனர்.

27 March 2020, 03:58 PM

இரவில் பெட்ரோல் பங்க் செயல்படாது!

நாளை முதல் பெட்ரோல் பங்க்குகள் காலை 6 மணி முதல் மதியம் 2.30 வரை மட்டுமே செயல்படும்.

- தமிழக அரசு அறிவிப்பு

27 March 2020, 03:57 PM

கொரோனா அச்சுறுத்தலால் நீட் நுழைவுத் தேர்வு ஒத்திவைப்பு!

27 March 2020, 03:54 PM

தமிழகத்தில் மேலும் மூவருக்கு கொரோனா பாதிப்பு : பாதிக்கப்பட்டோர் எண்ணிக்கை 38 ஆக உயர்வு!

27 March 2020, 03:54 PM

இந்தியாவில் கொரோனா வைரஸால் பாதிக்கப்பட்டோர் எண்ணிக்கை 879 ஆக உயர்ந்துள்ளது.

27 March 2020, 07:42 AM

கொரோனா வைரஸால் பாதிக்கப்பட்டோர் எண்ணிக்கை 753 ஆக உயர்வு

26 March 2020, 02:21 PM

தமிழகத்தில் கொரோனா வைரஸால் பாதிக்கப்பட்டோர் எண்ணிக்கை 29ஆக அதிகரித்தது.

இந்தியாவில் கொரோனாவால் பாதிக்கப்பட்டோரின் எண்ணிக்கை 724-ஆக உயர்ந்துள்ளதாக மத்திய சுகாதாரத்துறை அமைச்சகம் தகவல் தெரிவித்துள்ளது. அதில் 677 இந்தியர்கள், 47 வெளிநாட்டினர் கொரோனா வைரஸால் பாதிக்கப்பட்டுள்ளனர் என்று தெரிவித்துள்ளது.

26 March 2020, 02:20 PM

இந்தியாவில் கொரோனா பாதிப்பு 718 ஆக உயர்வு!

26 March 2020, 01:07 PM

இந்தியாவில் கொரோனா வைரஸால் பாதிக்கப்பட்டோர் எண்ணிக்கை 716 ஆக உயர்வு!

கேரளாவில் புதிதாக 19 பேருக்கு கொரோனா தொற்று உறுதிசெய்யப்பட்டது. இந்தியாவில் கொரோனா வைரஸால் பாதிக்கப்பட்டோர் எண்ணிக்கை 700-ஐ கடந்ததால் மக்கள் அச்சம்.

26 March 2020, 09:36 AM

இந்தியாவில் 13 பேர் பலி - 649 பேர் பாதிப்பு!

கொரோனாவால் இந்தியாவில் உயிரிழந்தவர்களின் எண்ணிக்கை 13 ஆக அதிகரித்துள்ளது. மேலும் பாதிக்கட்டோரின் எண்ணிக்கை 649 ஆக உயர்ந்துள்ளது.

26 March 2020, 09:31 AM

“ஊரடங்கு உத்தரவை மீறிய 3,612 பேர் மீது வழக்குப்பதிவு; 1,656 வாகனங்கள் பறிமுதல்” : கேரளா காவல்துறை அதிரடி!

கேரளாவில் ஊரடங்கு உத்தரவை மதிக்காமல் வெளியில் சுற்றித்திரிந்த 2,535 பேரை அம்மாநில போலிஸ் கைது செய்துள்ளனர். அதேப்போல், 1,656 வாகனங்கள் பறிமுதல் செய்யப்பட்டுள்ளனர்.

மேலும் 3,612 பேர் மீது பேரிடர் மேலாண்மை சட்டம் மற்றும் தொற்றுநோய் தடுப்புச் சட்டம் உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது.

26 March 2020, 09:28 AM

தஞ்சையில் 100 வீடுகள் தனிமைப்படுத்தப்பட்டு தீவிர கண்காணிப்பு!

தஞ்சை மாவட்டம் அதிராம்பட்டினத்தில் வெளிநாடுகளில் இருந்து வந்த 100 பேரில் வீடுகள் தனிமைப்படுத்தப்பட்டுள்ளது. 100 பேரின் இடது கைகளில் முத்திரை குத்தியதுடன் வீடுகளில் ஸ்டிக்கர் ஒட்டி தொடர் கண்காணிக்கப்பட்டு வருகிறது.

25 March 2020, 04:14 PM

இன்று முதல் ஏப்ரல் 14 வரை நாடு முழுவதும் சுங்க கட்டணம் வசூலிப்பது ரத்து.

25 March 2020, 04:07 PM

கொரோனாவால் பாதிக்கப்பட்டவர்களில் ஒருவர் குணமடைந்து வருகிறார்!

டெல்லியில் இருந்து சென்னை வந்த நபருக்கு கொரோனா நெகட்டிவ் உறுதி செய்யப்பட்டது. இன்னும் 2 நாட்களில் அவர் டிஸ்சார்ஜ் செய்யப்படுவார்.

- அமைச்சர் விஜயபாஸ்கர் ட்வீட்

25 March 2020, 12:19 PM

உயிரிழந்தோர் எண்ணிக்கையில் சீனாவை தாண்டிய ஸ்பெயின்!

ஸ்பெயினில் இன்று ஒரே நாளில் கொரோனாவால் 443 உயிரிழப்பு; இதுவரை 3,434 பேர் உயிரிழந்துள்ளனர். இந்நிலையில் உயிரிழந்தோர் எண்ணிக்கையில் சீனாவை தாண்டியுள்ளது ஸ்பெயின்.

25 March 2020, 04:51 AM

அரசு உத்தரவை மீறி வெளியில் நடமாடிய 3 நபர்கள் மீது போலிஸார் வழக்குப்பதிவு !

வெளிநாட்டிற்கு சென்று திரும்பிய 3 தனிமைப்படுத்தப்பட்ட நபர்கள் அரசு உத்தரவை மீறி வெளியே சென்றதால் அவர்கள் மீது போலிஸார் வழக்குப்பதிவு செய்துள்ளனர்.

சென்னை அண்ணாநகரை சேர்ந்த ஒருவர் மீதும், கோயம்பேடு பகுதியில் இருவர் மீதும் வழக்குப்பதிவு செய்யப்பட்டுள்ளது.

25 March 2020, 04:45 AM

கொரோனாவால் பாதிக்கப்பட்டோர் எண்ணிக்கை 562 அதிகரிப்பு

இந்தியாவில் கொரோனாவால் பாதிக்கப்பட்டோர் எண்ணிக்கை 562 அதிகரித்துள்ளதாக மத்திய சுகாதார அமைச்சகம் அறிவித்துள்ளது.

25 March 2020, 03:37 AM

கொரோனா அச்சுறுத்தல் : பிளிப்கார்ட் சேவை நிறுத்தம்!

கொரோனா அச்சுறுத்தால் பிரபல ஆன்லைன் வர்த்தக நிறுவனமான பிளிப்கார்ட் (Filpkart) சேவை தற்காலிக நிறுத்தப்பட்டுள்ளது. 21 நாட்கள் நாடு முழுவதும் ஊரட்கு உத்தரவு பிறப்பிக்கபட்டு உள்ளதை அடுத்து சேவை நிறுவத்துவதாக அந்நிறுவனம் அறிவித்துள்ளது.

25 March 2020, 03:33 AM

கொரோனாவால் தமிழகத்தில் ஏற்பட்ட முதல் பலி!

கொரோனா பாதிப்புடன் மதுரையில் சிகிச்சை பெற்று வந்த 54 வயது முதியவர் நேற்றைய தினம் உயிரிழந்ததாக அமைச்சர் விஜயபாஸ்கர் தெரிவித்துள்ளார்.

24 March 2020, 04:54 PM

தமிழகத்தில் கொரோனாவால் பாதிக்கப்பட்டோர் எண்ணிக்கை 18 ஆக உயர்வு!

24 March 2020, 12:54 PM

இந்தியாவில் கொரோனாவால் பாதிக்கப்பட்டோர் எண்ணிக்கை 519 ஆக உயர்வு!

இந்தியாவில் கொரோனா வைரஸால் பாதிக்கப்பட்டவர்கள் எண்ணிக்கை 519 ஆக உயர்வு. 40 பேர் குணமடைந்துள்ளனர்.

- மத்திய அரசு.

24 March 2020, 12:52 PM

கொரோனா அச்சுறுத்தலால் ஒலிம்பிக் போட்டிகள் ஓராண்டுக்கு ஒத்திவைப்பு!

24 March 2020, 07:20 AM

கொரோனா பாதிப்பு - தமிழக அரசு நிவாரண நிதி அறிவிப்பு!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
24 March 2020, 06:22 AM

500-ஐ தாண்டியது கொரோனா பாதிப்பு

இந்தியாவில் கொரோனாவால் பாதிக்கப்பட்டோர் எண்ணிக்கை 500ஐ தாண்டியது. ஒட்டுமொத்தமாக 511 பேருக்கு கொரோனா இருப்பது உறுதியானது.

24 March 2020, 04:16 AM

446 பேருக்கு கொரோனா பாதிப்பு!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
23 March 2020, 06:37 AM

கொரோனா அச்சுறுத்தலால் மாணவ, மாணவிகள் தேர்வு மையங்களுக்கு குறித்த நேரத்திற்கு வருவதில் சிரமம் என்பதால் பிளஸ் 1 மற்றும் பிளஸ் 2 பொதுத் தேர்வுகளை அரை மணிநேரம் தாமதமாக துவங்க உயர்நீதிமன்றம் உத்தரவு.

23 March 2020, 06:36 AM

கொரோனா முன்னெச்சரிக்கை நடவடிக்கையாக தமிழகம் முழுவதும் வரும் 31ஆம் தேதி வரை நகைக்கடைகள் மூடல்!

23 March 2020, 06:36 AM

காஞ்சிபுரம் மாவட்டத்தில் அத்தியாவசிய கடைகளை தவிர பிற கடைகளை மூட மாவட்ட ஆட்சியர் உத்தரவு!

23 March 2020, 06:36 AM

இந்தியாவில் கொரோனாவால் பாதிக்கப்பட்டோர் எண்ணிக்கை 415 ஆக உயர்வு!

இந்தியாவில் கொரோனாவால் பாதிக்கப்பட்டோர் எண்ணிக்கை 415 ஆக உயர்வு - மத்திய சுகாதாரத் துறை அதிகாரப்பூர்வ தகவல்.

23 March 2020, 06:35 AM

தனிமைப்படுத்தப்பட்டுள்ள நகரங்களில் விதிகளை மக்கள் பின்பற்றுவதை மாநில அரசுகள் உறுதிப்படுத்த வேண்டும்

- பிரதமர் மோடி

22 March 2020, 05:39 PM

தமிழகத்தில் கொரோனா பாதித்தவர்களின் எண்ணிக்கை 9 ஆக உயர்வு!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
Kalaignar TV
22 March 2020, 12:17 PM

கொரோனா வைரஸ் எதிரொலி : சென்னை,ஈரோடு, காஞ்சிபுரம் ஆகிய மூன்று மாவட்டங்களை தனிமைப்படுத்த மத்திய உள்துறை அமைச்சகம் உத்தரவு.

22 March 2020, 11:45 AM

கொரோனா தடுப்பு நடவடிக்கையில் ஈடுப்பட்டுள்ள மருத்துவத்துறையினருக்கு கரவொலி எழுப்பி மக்கள் பாராட்டு!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
22 March 2020, 08:09 AM

தமிழகத்தில் "மக்கள் ஊரடங்கு" நாளை காலை வரை நீட்டிப்பு!

தமிழகத்தில் மக்கள் ஊரடங்கு நாளை காலை 5 மணி வரை நீட்டிப்பு. அத்தியாவசியப் பணிகள் தொடர்ந்து நடைபெற எந்தத் தடையும் இல்லை - தமிழக அரசு அறிவிப்பு

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
22 March 2020, 06:29 AM

தமிழகத்தில் கொரோனா பாதிப்பு 7ஆக உயர்வு!

ஸ்பெயினில் இருந்து சென்னை வந்த பெண்ணுக்கு கொரோனா பாதிப்பு உறுதி செய்யப்பட்டுள்ளது. இதனால் தமிழகத்தில் கொரோனா பாதிப்பு 7ஆக அதிகரித்துள்ளது.

22 March 2020, 06:21 AM

இந்தியாவில் கொரோனா உயிரிழப்பு 5 ஆக உயர்வு!

இந்தியாவில் கொரோனாவுக்கு உயிரிழந்தோர் எண்ணிக்கை 5 ஆக அதிகரிப்பு. மும்பையில் கொரோனா பாதிப்பால் சிகிச்சை பெற்றுவந்த 63 வயது முதியவர் உயிரிழந்துள்ளார்.

மேலும், இந்தியாவில் கொரோனாவால் பாதிக்கப்பட்டவர்கள் எண்ணிக்கை 324 ஆக உயர்வு. இதில், 41 பேர் வெளிநாட்டவர்கள் என்பது குறிப்பிடத்தக்கது.

22 March 2020, 04:54 AM

பிரான்ஸில் 24 மணிநேரத்தில் 1,847 பேர் பாதிப்பு - இத்தாலியில் ஒரே நாளில் 793 பேர் பலி!

கொரோனா வைரஸால் இத்தாலியில் நேற்று ஒரே நாளில் 793 பேர் பலியாகியுள்ளனர். இதன் மூலம் அந்த நாட்டில் உயிரிழப்பு 4,825 ஆக அதிகரி்த்துள்ளது. பாதிக்கப்பட்டவர்கள் எண்ணிக்கையும் நேற்று ஒரேநாளில் 6,557 உயர்ந்து, 53,578 ஆக அதிகரித்துள்ளது.

அதேப்போல், பிரான்ஸில் கடந்த 24 மணிநேரத்தில் கொரோனா வைரஸால் 1,847 பேர் பாதிக்கப்பட்டுள்ளதாக பிரான்ஸ் சுகாதாரத் துறை அமைச்சகம் தெரிவித்துள்ளது. பிரான்ஸில் பாதிக்கப்பட்டவர்கள் எண்ணிக்கை 14,459 ஆக அதிகரித்துள்ளது.

21 March 2020, 12:12 PM

சென்னை கடற்கரைகள் மூடல் !

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
21 March 2020, 12:11 PM
21 March 2020, 12:10 PM

தமிழகத்தில் மேலும் மூவருக்கு கொரோனா பாதிப்பு!

21 March 2020, 10:49 AM

300ஐ நெருங்கும் கொரோனா பாதிப்பு!

கொரோனா வைரசால் இந்தியாவில் பாதிக்கப்பட்டோர் எண்ணிக்கை 298 ஆக உயர்ந்துள்ளதாக மத்திய சுகாதாரத் துறை அமைச்சகம்

21 March 2020, 07:02 AM

லக்னோ தாஜ் ஹோட்டல் மூடல்!

பாலிவுட் பாடகி கனிகா கபூருக்கு கொரோனா உறுதி செய்யப்பட்டதால் அவர், பங்கேற்ற லக்னோவில் உள்ள தாஜ் ஹோட்டல் மூடப்பட்டுள்ளது.

21 March 2020, 07:00 AM

நாளை டாஸ்மாக் மூடல்!

தேசிய மக்கள் ஊரடங்கு உத்தரவை அடுத்து, நாளை தமிழகம் முழுவதும் உள்ள டாஸ்மாக் கடைகள் மூடப்படும் என தமிழக அரசு அறிவித்துள்ளது

21 March 2020, 04:40 AM

கொரோனா வைரஸால் பாதிக்கப்பட்டவர்களின் எண்ணிக்கை 258ஆக உயர்வு

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!

இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை 258ஆக உயர்ந்துள்ளது.

-மத்திய அரசு அறிவிப்பு!

20 March 2020, 02:53 PM

இந்தியாவில் 32 வெளிநாட்டவர் உட்பட 223 பேருக்கு கொரோனா வைரஸ் பாதிப்பு.

20 March 2020, 11:54 AM

இந்தியாவில் கொரோனா பாதிக்கப்பட்டோரின் எண்ணிக்கை 223 ஆக உயர்வு!

இந்தியாவில் கொரோனா பாதிக்கப்பட்டோரின் எண்ணிக்கை 223 ஆக உயர்ந்துள்ளதாக மத்திய சுகாதாரத்துறை அமைச்சகம் தெரிவித்துள்ளது.

மேலும் 6,700க்கு மேற்பட்டோர் கண்காணிக்கப்பட்டு வருவதாகவும் இந்தியாவில் கொரோனாவால் உயிரிழந்த 4 பேரும் 64 வயதுக்கு மேல் ஆனவர்கள் என்றும் மத்திய சுகாதாரத்துறை அமைச்சகம் தகவல் அளித்துள்ளது.

20 March 2020, 08:11 AM

தமிழக - கேரள எல்லையை இன்று முதல் மூடல்!

கேரளாவில் இருந்து வரும் அனைத்து விதமான வாகனங்களுக்கும் தடை விதிக்கபப்ட்டுள்ளது. கோவை மாவட்டத்தில் உள்ள 9 சோதனைச் சாவடிகளும் இன்று மாலை முதல் மூடப்படும் என்று கோவை மாவட்ட ஆட்சியர் அறிவித்துள்ளார்.

20 March 2020, 06:27 AM

கொரோனா வைரஸால் பாதிக்கப்பட்டவர்களின் எண்ணிக்கை 206 ஆக உயர்வு!

இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை 195ல் இருந்து 206 ஆக உயர்ந்துள்ளதாக இந்திய மருத்துவ ஆராய்ச்சி நிறுவனம் தெரிவித்துள்ளது.

20 March 2020, 04:41 AM

இந்தியாவில் பாதிக்கப்பட்டோரின் எண்ணிக்கை 195 ஆக உயர்வு!

இந்தியாவில் கொரோனா பாதிக்கப்பட்டோரின் எண்ணிக்கை 195 ஆக உயர்ந்துள்ளதாக மத்திய சுகாதாரத்துறை அமைச்சகம் அறிவித்துள்ளது.

19 March 2020, 03:45 PM

மதுரையில் 143 பேருக்கு கொரோனா பரிசோதனை!

துபாயில் இருந்து மதுரை வந்த 143 பயணிகள் கொரோனா பரிசோதனைக்கு ஒத்துழைக்காததால் காவல்துறையினர் மேற்கொண்ட பேச்சுவார்த்தைக்கு பின்னர் அனைவரும் பேருந்தின் மூலம் பரிசோதனைக்காக மருத்துவமனைக்கு அனுப்பி வைக்கப்பட்டனர்

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
19 March 2020, 03:40 PM

144 தடை உத்தரவா? - தமிழக போலிஸ் டி.ஜி.பி விளக்கம்!

தமிழகத்தில் 144 தடை உத்தரவு ஏதும் பிறப்பிக்கவில்லை. வதந்திகளை பரப்புவோர் மீது கடுமையான நடவடிக்கைகளும் பாயும் என காவல்துறை டி.ஜி.பி திரிபாதி எச்சரித்துள்ளார்.

19 March 2020, 03:38 PM

கொரோனா அச்சுறுத்தல்: தமிழக அரசு அறிவுறுத்தல்!

மக்கள் அதிகம் கூடும் இடங்களில் ஒரு நாளைக்கு மூன்று முறை கிருமி நாசினி தெளிக்க வேண்டும்

ஏசி வசதிகள் கொண்ட நகை, ஜவுளி போன்ற பெரிய கடைகளை மூட வேண்டும். வாரச்சந்தைகளை மார்ச் 31 அரை மூட வேண்டும்.

தனியார் நிறுவனங்கள் சுகாதாரத்தை கடைபிடிக்க வேண்டும். ஊழியர்கள் வீட்டில் இருந்தபடியே பணியாற்றுவது நலம்

19 March 2020, 02:26 PM

ஈரோட்டில் மார்ச் 31 வரை பெரிய மளிகை கடைகள் மூடல்!

ஈரோடு மாவட்டத்தில் மார்ச் 31ம் தேதி வரை மக்கள் அதிகம் கூடும் பெரிய மளிகை கடைகளை மூட ஆட்சியர் உத்தரவிட்டுள்ளார். தவறும்பட்சத்தில் கடுமையான நடவடிக்கைகள் எடுக்கப்படும் என எச்சரித்துள்ளார்

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
19 March 2020, 11:27 AM

இந்தியாவில் கொரோனாவுக்கு 4வது பலி!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
19 March 2020, 10:45 AM

சென்னையில் 3வது கொரோனா பாதிப்பு!

தமிழகத்தில் மேலும் ஒருவருக்கு கொரோனா பாதிப்பு இருப்பது உறுதியானது.

19 March 2020, 10:16 AM

கண்காணிப்பு வளையத்திற்குள் வந்தது கொரொனா பாதித்த பகுதிகள்!

கொரோனா பாதிப்பு அதிகரித்துவரும் சூழலால், தொற்று பாதிப்புள்ள அனைத்து இடங்களையும் மருத்துவக் கண்காணிப்பின் கீழ் கொண்டு வந்துள்ளது மத்திய அரசு.

பிப்ரவரி 29ஆம் தேதி வரை 16 இடங்கள் மட்டுமே கண்காணிக்கப்பட்டன. அதன் பிறகு மார்ச் 15ம் தேதி வரை 51 இடங்களுக்கு விரிவுபடுத்தப்பட்டது.

அந்த பகுதிகளில் காய்ச்சல், இருமல் உள்ளிட்ட அறிகுறி கொண்ட பொதுமக்கள் 826 பேரிடம் கொரோனா மாதிரி சோதனை செய்ததில் யாருக்கும் நோய் பாதிப்பு இல்லை என்று சோதனை முடிவுகள் தெரிவித்தன.

தற்போது வைரஸ் பாதிப்பு அதிகரித்து வருவதால், எங்கெங்கு கொரோனா பாதிப்பு உறுதி செய்யப்பட்டுள்தோ அந்த ஊர்களை எல்லாம் மருத்துவக் கண்காணிப்பின் கீழ் கொண்டு வரப்பட்டுள்ளதாக இந்திய மருத்துவ ஆய்வுக்கழகம் கூறியுள்ளது.

19 March 2020, 10:11 AM

இந்தியாவில் கொரோனா: மார்ச் 31 வரை 168 ரயில் சேவைகள் ரத்து!

கொரோனா வைரஸ் அச்சத்தால் ரயில் சேவை முற்றிலும் முடங்கியுள்ளது. நாளை முதல் வருகின்ற 31-ம் தேதி வரை நாடு முழுவதும் 168 ரயில்கள் சேவைகள் ரத்து செய்யப்படுவதாக ரயில்வே துறை தெரிவித்துள்ளது.

19 March 2020, 10:07 AM

கொரோனா பற்றி வதந்தி பரப்பிய நபர் கைது!

மயிலாடுதுறை அருகே வெளிநாட்டில் இருந்து வந்த இளைஞருக்கு கொரோனா இருப்பதாக வதந்தி பரப்பிய நபரை காவல்துறையினர் கைது செய்தனர்.

குத்தாலம் பகுதியை சேர்ந்த ஆனந்த் என்பவர் லண்டனில் இருந்து சொந்த ஊர் திரும்பினார். இந்நிலையில் ஆனந்துக்கு கொரோனா பாதிப்பு உள்ளது என்றும், அரசு மருத்துவமனையில் இருந்து அவர் தப்பி வந்ததாகவும் பொய் தகவல் ஒன்று சமூக வலைதளங்களில் பரவ தொடங்கியது.

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!

இது குறித்த புகாரின் அடிப்படையில் வழக்கு பதிவு செய்த காவல்துறையினர் நடத்திய விசாரணையில், மயிலாடுதுறையை சேர்ந்த கில்லி பிரகாஷ் என்பவர் இந்த செய்தியை பரப்பியது தெரியவந்தது.

இதையடுத்து அவரை தவறான தகவலை பரப்பி மக்களை அச்சப்படுத்தியது உள்ளிட்ட 2 பிரிவுகளின் கீழ் போலிஸார் கைது செய்தனர்.

19 March 2020, 10:04 AM

கொரோனா பரவுவது அதிகரித்துள்ளது - ICMR

இந்தியாவில் கொரோனா வைரஸ் பரவுவது அதிகரித்துள்ளது என இந்திய மருத்துவ ஆய்வுக் கழகம் (ICMR) தெரிவித்துள்ளது.

19 March 2020, 08:55 AM

கொரோனா: அறிகுறியை அடுத்து அடையாள மை !

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
19 March 2020, 08:50 AM

மாணவர்களையும், மீனவர்களையும் மீட்க தி.மு.க. வலியுறுத்தல்!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
19 March 2020, 08:49 AM

புதுச்சேரியில் திருமண மண்டபங்கள் மூடல்!

கொரோனா அச்சுறுத்தலை அடுத்து, புதுச்சேரியில் மறு உத்தரவு வரும் வரை 250 திருமண மண்டபங்கள் மூடப்படுவதாக திருமண உரிமையாளர்கள் சங்கத்தின் அவசர கூட்டத்தில் முடிவு எட்டப்பட்டுள்ளதாக தகவல்

19 March 2020, 06:55 AM

கொரோனா அச்சுறுத்தல் காரணமாக டெல்லியில் ஊரடங்கு உத்தரவு

19 March 2020, 06:10 AM

கொரோனா அறிகுறியுடைய இளைஞர் தற்கொலை!

ஆஸ்திரேலியாவின் சிட்னியில் இருந்து ஏர் இந்தியா விமானம் மூலம் டெல்லி வந்த பஞ்சாபைச் சேர்ந்த இளைஞருக்கு (35) கொரோனா அறிகுறி இருப்பது பரிசோதனையின் மூலம் கண்டுபிடிக்கப்பட்டது.

இதனையடுத்து, சப்தர்ஜங் மருத்துவமனையின் தனி வார்டில் அனுமதிக்கப்பட்ட அந்த நபர் நேற்று இரவு திடீரென மருத்துவமனையின் 7வது மாடியில் இருந்து குதித்து தற்கொலை செய்துக்கொண்டார். இதனால் அந்த பகுதியில் பரபரப்பு நிலவியது.

19 March 2020, 04:39 AM

சென்னை விமான நிலைய மெட்ரோ ரயில் நிலையத்தில் கொரோனா முன்னெச்சரிக்கை நடவடிக்கை தீவிரம்!

19 March 2020, 04:31 AM

வெளிமாநில பயணிகளை கண்காணிக்க உத்தரவு!

விமானம் மற்றும் கப்பல் மூலம் வருபவர்களை தொடர்ந்து ரயில் மூலம் வெளி மாநிலங்களில் இருந்து வரும் பயணிகளை சோதனை செய்ய வேண்டும். - தமிழக அரசு உத்தரவு!

19 March 2020, 04:23 AM

கொரோனா உறுதி செய்யப்பட்டோரின் எண்ணிக்கை 166ஆக உயர்வு!

இந்தியாவில் கொரோனா உறுதி செய்யப்பட்டோரின் எண்ணிக்கை 151லிருந்து 166ஆக உயர்ந்துள்ளது.

18 March 2020, 01:09 PM

தமிழகத்தில் மேலும் ஒருவருக்கு கொரோனா பாதிப்பு!

டெல்லியில் இருந்து சென்னை வந்த இளைஞருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளதாக அமைச்சர் விஜயபாஸ்கர் தகவல்.

18 March 2020, 12:34 PM

இந்தியாவில் கொரோனாவால் பாதிக்கப்பட்டோர் எண்ணிக்கை 151 ஆக உயர்வு!

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
18 March 2020, 12:19 PM

திமுக எம்.எல்.ஏக்களுக்கு சானிடைசர் வழங்கிய மு.க.ஸ்டாலின்!

கொரானா வைரஸ் முன்னெச்சரிக்கை நடவடிக்கையாக சட்டமன்றக் கூட்டத்திற்கு வருகை தந்த தி.மு.க சட்டமன்ற உறுப்பினர்களுக்கு கிருமிநாசினிகளை வழங்கினார் தி.மு.க தலைவர் மு.க.ஸ்டாலின்

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
18 March 2020, 12:17 PM

அரசு ஊழியர்களுக்கு தெர்மல் பரிசோதனை!

கொரோனா வைரஸ் தொற்று எதிரொலியை அடுத்து, அனைத்து அரசு ஊழியர்களுக்கும் தெர்மல் ஸ்கேன் பரிசோதனை செய்யப்படும் என தமிழக அரசின் தலைமைச் செயலாளர் தெரிவித்துள்ளார்.

மேலும், சளி, இருமல், காய்ச்சல், மூச்சுத் திணறல் போன்ற அறிகுறி இருந்தால் வீட்டிலேயே இருக்கும்படி அறிவுறுத்தப்பட்டுள்ளது.

18 March 2020, 09:29 AM

இலவசமாக மாஸ்க் வழங்கி விழிப்புணர்வு ஏற்படுத்தும் ஆட்டோ ஓட்டுநர்!

கோவையில், ராகவேந்திரா என்ற ஆட்டோ ஓட்டுநர் ஒருவர் தனது ஆட்டோவில் பயணிப்பவர்களுக்கு இலவசமாக மாஸ்க் வழங்கி, கொரோனா வைரஸ் குறித்த விழிப்புணர்வையும் ஏற்படுத்தி வருகிறார்.

மேலும், மாஸ்க், சானிடைசர் போன்றவற்றின் தட்டுப்பாட்டை நீக்கவேண்டும் என அரசுக்கும் வலியுறுத்தியுள்ளார். ஆட்டோ ஓட்டுநரின் இந்த செயளுக்கு பயணிகள் பாராட்டு தெரிவித்து வருகின்றனர்.

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
18 March 2020, 09:25 AM

ராணுவ வீரருக்கு கொரோனா பாதிப்பு!

இந்தியாவில் ராணுவ வீரர் ஒருவருக்கு கொரோனா பாதிப்பு இருப்பது உறுதிபடுத்தப்பட்டுள்ளது. லடாக்கில் உள்ள உள்ள ராணுவ வீரரரின் தந்தை கடந்த மாதம் ஈரானில் இருந்து நாடு திரும்பியதை அடுத்து இவருக்கும் கொரோனா தொற்று வந்திருக்கலாம் என கூறப்படுகிறது.

இதனையடுத்து, லடாக் ராணுவ வீரர்கள் முகாமில் உள்ள மருத்துவமனையில் கொரோனா தொற்று பாதித்த வீரர் தனிமைப்படுத்தப்பட்டுள்ளார்.

18 March 2020, 07:03 AM

கொரோனா பீதி: ஒரே நாளில் 62 விமான சேவைகள் ரத்து!

கொரோனா அச்சம் காரணமாக சென்னையில் இன்று ஒரே நாளில் 46 சர்வதேச விமானங்கள் ரத்து செய்யப்பட்டுள்ளன. அதேபோல, 16 உள்நாட்டு விமான சேவைகளும் ரத்து செய்யப்பட்டுள்ளன.

சிங்கப்பூர், பஹ்ரைன், ஜெர்மன், செயிண்ட் டேனிஸ், தோஹா ஆகிய இடங்களில் இருந்து சென்னை வரும் தலா ஒரு விமானம், குவைத், மஸ்கட்டில் இருந்து சென்னை வரும் தலா 3 விமானங்கள், இலங்கையில் இருந்து 4 விமானங்கள், மலேசியாவில் இருந்து 6 விமானங்கள், துபாயில் இருந்து 2 விமானங்கள் என வந்து செல்லும் 46 சேவைகள் ரத்து.

உள்நாட்டு விமான சேவையை பொறுத்தவரை கொச்சி, மும்பை, பெங்களூரு, ஹைதராபாத், தூத்துக்குடி, திருச்சி, கோவா, புனே ஆகிய பகுதில் இருந்து வந்து செல்லும் 16 விமான சேவைகள் ரத்து.

18 March 2020, 06:57 AM

மார்ச் 31 வரை தஞ்சை பெரியக்கோவில் மூடல்!

கொரோனா வைரஸ் பரவலை அடுத்து தஞ்சை பெருவுடையார் கோவிலில் இருந்து பக்தர்களை வெளியேற்ற மாவட்ட ஆட்சியர் கோவிந்த ராவ் உத்தரவிட்டுள்ளார்.

மார்ச் 31ம் தேதி வரை சுற்றுலா பயணிகளுக்கும், பக்தர்களுக்கும் அனுமதி கிடையாது என ஒலிபெருக்கிகள் மூலம் அறிவிக்கப்பட்டுள்ளது.

18 March 2020, 06:45 AM

முகக் கவசம் மற்றும் கிருமிநாசினிகள் அதிக விலைக்கு விற்பனை செய்யப்படுவதை தடுக்க நடவடிக்கை எடுக்கக் கோரிய மனுவுக்கு, பதிலளிக்கும்படி தமிழக அரசுக்கு சென்னை உயர்நீதிமன்றம் உத்தரவிட்டுள்ளது.

18 March 2020, 06:44 AM

சமீபத்தில் சவுதி அரேபியாவிற்குச் சென்று வந்த நிலையில், முன்னெச்சரிக்கை நடவடிக்கையாக பா.ஜ.க எம்.பி சுரேஷ் பிரபு அடுத்த 14 நாட்களுக்கு அவரது வீட்டிலேயே தனிமைப்படுத்தப்படுகிறார்.

18 March 2020, 06:20 AM

மாஸ்க் - கிருமிநாசினி விபரங்களை தெரிவிக்க மத்திய அரசு உத்தரவு!

மாஸ்க், கிருமிநாசினி, கையுறை போன்றவைப் உற்பத்தியாளர்கள் மற்றும் இறக்குமதியாளர்கள் அவற்றின் கையிருப்பு, உற்பத்தி விபரங்களை உடனடியாக தெரிவிக்கும்படி மத்திய அரசு உத்தரவிட்டுள்ளது.

18 March 2020, 04:10 AM

கொரோனா பாதிப்பு 147 ஆக உயர்வு!

உலகம் முழுவதும் அச்சுறுத்தி வரும் கொரோனா வைரஸால் இந்தியாவில் 147 பேர் பாதிக்கப்பட்டுள்ளனர். அதிகப்படியாக மகாராஷ்டிர மாநிலத்தில் 38 பேர் பாதிக்கப்பட்டுள்ளனர். அடுத்தபடியாக கேரளாவில் 25 பேர் பாதிக்கப்பட்டுள்ளனர்.

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
18 March 2020, 04:08 AM

இந்தியாவில் இரண்டாம் கட்டத்தை எட்டிய கொரோனா - இந்திய மருத்துவ ஆய்வு கழகம் அறிவிப்பு!

இந்தியாவில் கொரோனா இரண்டாம் கட்டத்தை எட்டியதாக இந்திய மருத்துவ ஆய்வு கழகம் அறிவிப்பு.

அடுத்த கட்டத்துக்கு இது பரவாமல் தடுக்க பொதுமக்கள் எச்சரிக்கையாக இருக்க அறிவுரை.

காய்ச்சல், இருமல், தொண்டை வலி இருந்தால் உடனடியாக மருத்துவரை அணுகி சிகிர்ச்சை எடுத்துக்கொள்ள வலியுறுத்தல்.

18 March 2020, 03:30 AM

விமானங்கள் ரத்து!

கொரோனா வைரஸ் எதிரொலி மதுரை விமானநிலையத்தில் இருந்து சென்னை, பெங்களூரு மும்பை செல்லும் விமானங்கள் ரத்து.

18 March 2020, 03:23 AM

கேரளா மற்றும் கர்நாடகா செல்லும் அனைத்து பேருந்துகள் ரத்து!

நீலகிரி - கொரோனா வைரஸ் கேரளாவில் வேகமாகப் பரவிவரும் நிலையில், நீலகிரி மாவட்டம் உதகை மற்றும் கூடலூரில் இருந்து கேரளா மற்றும் கர்நாடாக செல்லும் அனைத்து தமிழக அரசு பேருந்துகளும் இன்று முதல் ரத்து. நீலகிரி எல்லைப்பகுதியான கீழ்நாடுகாணி, தாளூர் போன்ற எல்லை பகுதி வரை மட்டுமே இயக்கப்படுகிறது.

17 March 2020, 01:56 PM

கொரோனாவால் தமிழகத்தில் ரூ.5,000 கோடி வர்த்தகம் முடக்கம்!

கொரோனா பீதி காரணமாக தமிழகத்தில் உள்ள அனைத்து சுற்றுலாத் தலங்களும் இழுத்து மூடப்பட்டுள்ளது. சுற்றுலாப் பயணிகளையும் சொந்த ஊருக்கு திரும்பிச் செல்ல வேண்டும் என அதிரடி உத்தரவு பிறப்பிக்கப்பட்டுள்ளது.

இதனிடையே, கொரோனாவால் தொழில்துறை கடுமையாக பாதிக்கப்பட்டுள்ளது. இதனால் 5 ஆயிரம் கோடி ரூபாய்க்கு வர்த்தகம் முடங்கியுள்ளது.

அதேபோல, கொரோனாவால் ஐரோப்பிய நாடுகளில் ஜவுளி நிறுவனங்கள் மூடப்பட்டுள்ளதால் கரூரில் இருந்து ஏற்றுமதி செய்வதற்கு சரக்குகள் தேக்கமடைந்ததால் ரூ.300 கோடி வர்த்தகம் பாதிக்கப்பட்டுள்ளது.

17 March 2020, 01:19 PM

தி.நகரில் உள்ள கடைகளை மூட சென்னை மாநகராட்சி ஆணை!

கொரோனா வைரஸ் எதிரொலியாக, சென்னையில் மக்கள் அதிகம் கூடும் தியாகராய நகர் பகுதியில் உள்ள பெரிய கடைகளை மூட மாநகராட்சி நிர்வாகம் உத்தரவிட்டுள்ளது.

சென்னையில் உள்ள மூவாயிரத்துக்கும் மேலான ஏடிஎம் மையங்களை அவ்வப்போது சுத்தப்படுத்த அறிவுறுத்தப்பட்டதோடு, பூங்காக்களை மூடவும் உத்தவிடப்பட்டுள்ளது.

17 March 2020, 01:14 PM

பிளாட்ஃபார்ம் டிக்கெட் விலை அதிரடியாக அதிகரிப்பு!

கொரோனா வைரஸ் காரணமாக நாடு முழுவதும் பதற்றம் நிலவும் நிலையில், மக்கள் கூட்டத்தை கட்டுப்படுத்தும் விதமாக ரயில் நிலையங்களில் நடைமேடை கட்டணத்தை ரூ.10ல் இருந்து 50 ரூபாயக உயர்த்தியுள்ளது ரயில்வே அமைச்சகம்.

மேற்கு ரயில்வேக்கு உட்பட்ட மும்பை, வதோதரா, அகமதாபாத், ரத்லாம், ராஜ்கோட், பவாநகர் உள்ளிட்ட 250 ரயில் நிலையங்களிலும் நடைமேடை கட்டணம் உயர்த்தப்பட்டுள்ளது.

அதேபோல, தெற்கு ரயில்வேயை பொறுத்தவரை சென்னையில் உள்ள ரயில் நிலையங்களிமும், மத்திய ரயில்வேயில் உள்ள புசாவல், நாக்பூர், சோலாப்பூர், புனே ஆகிய மண்டலங்களிலும் நடைமேடை கட்டணம் உயர்த்தப்படுகிறது.

இருப்பினும், இது தற்காலிக நடவடிக்கையா அல்லது நிரந்தரமான கட்டண உயர்வா என்ற ஐயப்பாடு மக்களிடையே ஏற்பட்டுள்ளது.

17 March 2020, 12:22 PM

மேலும் 10 பேருக்கு வைரஸ் பாதிப்பு!

உயிரிழந்த மூவர் நீங்கலாக இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை 137 ஆக உயர்ந்தது.

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
17 March 2020, 10:17 AM

கொரோனாவால் குறைந்தது தங்கம் விலை!

கொரோனா பாதிப்பை அடுத்து சர்வதேச அளவில் வர்த்தகம் முடங்கியதால் தங்கம் விலை நாளுக்கு நாள் சரிவை சந்தித்து வருகிறது.

இன்றைய தங்கத்தின் விலை கிராம் ஒன்றுக்கு ரூ.73 குறைந்து 3,870 ரூபாய்க்கு விற்கப்படுகிறது. ஒரு சவரன் தங்கம் ரூ.30,960 ஆக உள்ளது.

வெகுநாட்களுக்கு பிறகு 31 ஆயிரத்துக்கும் கீழ் ஒரு சவரன் தங்கம் விற்கபடும் வேளையில், கடந்த 10 நாட்களில் மட்டும் ஒரு பவுனுக்கு ரூ.2,696 குறைந்துள்ளது.

அதேபோல, ஒரு கிராம் வெள்ளி ரூ.1.80 காசுகள் குறைந்த 39 ரூபாய்க்கும், ஒரு கிலோ வெள்ளி 39 ஆயிரம் ரூபாய்க்கும் விற்கப்படுகிறது.

17 March 2020, 08:49 AM

அச்சுறுத்தும் கொரோனா: தாஜ்மகால் மூடப்பட்டது !

கொரோனா வைரஸ் பாதிப்பு இந்தியாவில் அதிகரித்து வருவதையொட்டி, மார்ச் 31ம் தேதி வரை உலக அதிசயங்களில் ஒன்றான தாஜ்மகால் மூடப்படும் என மத்திய சுற்றுலாத்துறை அமைச்சகம் அறிவித்துள்ளது.

அதேபோல, புதுச்சேரியில் உள்ள சர்வதேச நகரமாக கருதப்படும் ஆரோவில் சுற்றுலா மையம், கல்லிக்கூடம் ஆகிய மூட அம்மாநில அரசு உத்தரவிட்டுள்ளது. மேலும், மாத்தூர் மந்திர், கலாசார கூடங்களும் மூட அறிவுறுத்தப்பட்டுள்ளது.

17 March 2020, 08:45 AM

சென்னை ஐகோர்ட்டில் அவசர வழக்குகள் மட்டுமே விசாரணை?

இந்தியாவிலும் கொரோனா வைரஸ் பாதிப்பு அதிகரித்து வரும் வேளையில், தமிழகத்திலும் பரவலாம் என்ற அச்சம் காரணமாக நாளை (மார்ச் 18) முதல் சென்னை உயர் நீதிமன்றத்தில் அவசர வழக்குகள் மட்டுமே விசாரிப்பதாக முடிவு செய்யப்பட்டுள்ளது.

வழக்கறிஞர்கள் சங்கங்களின் கோரிக்கையை அடுத்து உயர் நீதிமன்ற தலைமை நீதிபதி ஏ.பி.சாஹி மூத்த நீதிபதிகளுடன் கலந்தாலோசித்துள்ளார். இது தொடர்பான அறிவிப்பு இன்று வெளியாகும் என எதிர்ப்பார்க்கப்படுகிறது.

17 March 2020, 08:22 AM

கொரோனாவின் கொடூரம்!

17 March 2020, 08:03 AM

#Emergency கொரோனா : அவசர அழைப்பு எண்கள்!

17 March 2020, 07:53 AM

மருத்துவ வசதிகளை விரிவுபடுத்துக - அரசுக்கு மு.க.ஸ்டாலின் வேண்டுகோள்!

"கொரோனா வைரஸ் பரவாமல் தடுக்க தமிழகம் முழுவதும் 'தயார் நிலை'க்கான மருத்துவ வசதிகளை விரிவுபடுத்த வேண்டும்.” என தி.மு.க தலைவர் மு.க.ஸ்டாலின் சட்டப்பேரவையில் வலியுறுத்தியுள்ளார்.

17 March 2020, 07:49 AM

அவெஞ்சர்ஸ் பட நடிகருக்கு கொரோனா பாதிப்பு!

அவெஞ்சர்ஸ் இன்ஃபினிட்டி வார் படத்தில் நடித்த பிரபல ஹாலிவுட் பட நடிகர் இட்ரிஸ் எல்பாவுக்கு கொரோனா தொற்று ஏற்பட்டுள்ளது குறித்து ட்விட்டரில் பதிவிட்டதோடு, வைரஸ் தொற்று ஏற்படாமல் தற்காத்துக்கொள்வது குறித்தும் விளக்கியுள்ளார்.

17 March 2020, 07:45 AM

விஜய்யின் ‘குட்டி ஸ்டோரி’ பாணியில் பிரபல இயக்குநர் ட்வீட்!

கொரோனா தொற்று பரவி வரும் நிலையில், பிரபல இயக்குநர் சி.எஸ்.அமுதன், விஜய்யின் குட்டி ஸ்டோரி பாணியில் ட்விட்டரில் விழிப்புணர்வை ஏற்படுத்தும் வகையில் பதிவிட்டுள்ளார்.

17 March 2020, 07:27 AM

கொரோனா அச்சுறுத்தல் : BCCI அலுவலகம் மூடல்!

மும்பை வான்கடே மைதானத்தில் உள்ள இந்திய கிரிக்கெட் வாரியத்தின் (BCCI) அலுவலகம் கொரோனா அச்சுறுத்தல் காரணமாக மூடப்பட்டுள்ளது. ஊழியர்களை வீட்டில் இருந்தபடியே பணியாற்ற அறிவுறுத்தப்பட்டுள்ளது.

17 March 2020, 06:59 AM

மகாராஷ்டிராவின் 2 மாநிலங்களில் ஊரடங்கு உத்தரவு!

மகாராஷ்டிர மாநிலத்தில் 36 பேருக்கு கொரோனா பாதிப்பு ஏற்பட்டுள்ளதால் புனே மற்றும் நாக்பூர் ஆகிய மாவட்டங்களில் பொது இடங்களில் மக்கல் கூடுவதை தடுக்கும் வகையில் 144 தடை உத்தரவு பிறப்பிக்கப்பட்டுள்ளது.

17 March 2020, 06:17 AM
17 March 2020, 05:48 AM

சிறைக்கைதிகளை குடும்பத்தினர் பார்க்க தடை!

கொரோனா வைரஸ் பாதிப்பு காரணமாக சென்னை புழல் மத்திய சிறையில் கைதிகளை காண, பார்வையாளர்களுக்கு இரண்டு வார காலத்திற்கு தடை விதிக்கப்பட்டுள்ளது.

வைரஸ் பரவுவதை தடுக்கும் விதமாக முன்னெச்சரிக்கை நடவடிக்கை கருதி சிறைக்கைதிகளை பார்க்க தடை விதிக்கப்பட்டுள்ளதாக சிறை நிர்வாகம் தெரிவித்துள்ளது.

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!
17 March 2020, 05:36 AM

இந்தியாவில் கொரோனாவுக்கு 3 பேர் பலி!

17 March 2020, 05:30 AM

இந்தியாவில் 127 பேருக்கு வைரஸ் பாதிப்பு!

உலகம் முழுவதும் அச்சுறுத்தி வரும் கொரோனா வைரஸால் இந்தியாவில் 127 பேர் பாதிக்கப்பட்டுள்ளனர். அதிகபடியாக மகாராஷ்டிர மாநிலத்தில் 36 பேர் பாதிக்கப்பட்டுள்ளனர். அடுத்தபடியாக கேரளாவில் 22 பேர் பாதிக்கப்பட்டுள்ளனர்.

#Corona LIVE | கொரோனாவால் உயிரிழந்தவர்களின் எண்ணிக்கை  69,423 ஆக உயர்வு - 45,619 பேர் கவலைக்கிடம்!

டெல்லியில் மேலும் 2 பேருக்கு வைரஸ் பாதிப்பு. நொய்டா பகுதியில் வசிக்கும் இவர்களுக்கு இன்று காலை நோய் பாதிப்பு உறுதி செய்யப்பட்டுள்ளது. இதனைத் தொடர்ந்து டெல்லியில் வைரஸ் பாதிப்பு 7 ஆக உயர்வு. இதன் மூலம் நாடு முழுவதும் கொரோனாவால் பாதிக்கப்பட்டவர்களின் எண்ணிக்கை 127 ஆக உயர்ந்துள்ளது.

17 March 2020, 05:25 AM

கொரோனா அச்சுறுத்தல்: 3 நாடுகளில் இருந்து இந்தியா வர விமானங்களுக்கு தடை

16 March 2020, 04:13 PM

புதிதாக 6 பேருக்கு கொரோனா பாதிப்பு!

இந்தியாவில் கொரோனா வைரஸால் பாதிக்கப்பட்டவர்களின் எண்ணிக்கை 116 ஆக அதிகரித்துள்ளது.

16 March 2020, 04:08 PM

இதை செய்தால் கொரோனாவில் இருந்து தப்பிக்கலாம் - கே.எஸ்.அழகிரி

இந்தியா முழுவதும் உள்ள பன்னாட்டு விமான நிலையங்களை மூடினால் கொரோனா வைரஸ் பரவுவதில் இருந்து தப்பிக்கலாம் என தமிழக காங்கிரஸ் தலைவர் கே.எஸ்.அழகிரி கூறியுள்ளார்.

16 March 2020, 04:06 PM

கொரோனா எதிரொலி: சாலையோர கடைகள் மூடல்

கொரோனா வைரஸ் பரவுவதை அடுத்து கர்நாடக மாநிலத்தில் சாலையோர உணவகங்களை மூட உத்தரவிடப்பட்டுள்ளது.

16 March 2020, 03:02 PM
16 March 2020, 02:29 PM

Work Form Home

கொரோனா முன்னெச்சரிக்கை நடவடிக்கையாக, ஊழியர்கள் வீட்டிலிருந்தே பணி செய்ய ஐ.டி நிறுவனங்கள் உத்தரவு!

16 March 2020, 02:09 PM

அனைத்து அரசு அலுவலகங்கள் வழக்கம் போல இயங்கும் என தமிழக அரசு அறிவிப்பு!

16 March 2020, 02:08 PM

கொரோனா குறித்து சமூக வலைதளங்களில் வதந்தி பரப்பினால் கடும் நடவடிக்கை எடுக்கப்படும் என முதல்வர் எடப்பாடி பழனிசாமி எச்சரிக்கை!

16 March 2020, 02:00 PM

கொரோனாவை கட்டுப்படுத்த யோசனை தருவோருக்கு ரூ.1 லட்சம் பரிசு!

“கொரோனா வைரஸ் தாக்குதலை கட்டுப்படுத்த யோசனைகள் இருந்தால் பகிருங்கள்; சிறந்த தீர்வு அளிப்பவர்களுக்கு ஒரு லட்சம் ரூபாய் பரிசு"

- பிரதமர் மோடி அறிவிப்பு!

16 March 2020, 01:19 PM

டாஸ்மாக் பார்கள், கேளிக்கை விடுதிகளை 31ம் தேதி வரை மூடி வைக்கவும் உத்தரவு!

16 March 2020, 01:19 PM

மார்ச் 31 வரை மூட உத்தரவு!

உயிரியல் பூங்கா, ஜிம் உள்ளிட்ட உடற்பயிற்சி மையங்கள், அருங்காட்சியகங்களை மார்ச் 31 வரை மூட உத்தரவு!

16 March 2020, 01:17 PM

கொரோனா அச்சுறுத்தல் காரணமாக தமிழகத்தில் உள்ள அனைத்து கல்வி நிறுவனங்களுக்கும் வரும் மார்ச் 31ம் தேதி வரை விடுமுறை என தமிழக அரசு அறிவிப்பு.

16 March 2020, 01:17 PM

படப்பிடிப்பு முழுமையாக ரத்து!

கொரோனா அச்சுறுத்தலையடுத்து, வருகிற மார்ச் 19ம் தேதி முதல் சின்னத்திரை உட்பட அனைத்து விதமான படப்படிப்பும் ரத்து செய்யப்படுவதாக தென்னிந்திய திரைப்பட தொழிலாளர்கள் சம்மேளன தலைவர் ஆர்.கே.செல்வமணி தெரிவித்துள்ளார்.

16 March 2020, 12:37 PM

ஒடிசாவுக்கு வரும் வெளிநாட்டினர் அனைவரும் தங்கள் வருகை விவரங்களை பதிவு செய்ய வேண்டும். - ஒடிசா அரசு உத்தரவு!

16 March 2020, 12:36 PM

திருவாரூரில் மேலும் ஒருவருக்கு கொரோனா அறிகுறி!

சவூதியில் இருந்து வேதாரண்யம் வந்த நபருக்கு கொரோனா அறிகுறி இருப்பது கண்டுபிடிக்கப்பட்டு திருவாரூர் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார். இதுவரை 3 பேர் கொரோனா அறிகுறியுடன் அனுமதிக்கப்பட்டு உள்ளனர் என்பது குறிப்பிடத்தக்கது.

16 March 2020, 12:29 PM

கொடைக்கானலில் வெளிநாட்டுப் சுற்றுலாப் பயணிகளுக்கு தடை!

கொரோனா அச்சுறுத்தல் காரணமாக கொடைக்கானலில் வெளிநாட்டுப் சுற்றுலாப் பயணிகளுக்கு தடை விதிக்கப்பட்டுள்ளது.

மேலும் 18-ம் தேதி முதல் இரவு 8 மணி முதல் காலை 6 மணி வரை மலைச்சாலையில் சுற்றுலா பயணிகளின் வாகனங்களுக்கு அனுமதி மறுக்கப்பட்டுள்ளது என அறிவிப்பு வெளியாகியுள்ளது.

16 March 2020, 12:27 PM

கொரோனா நோயால் உயிரிழப்பவரின் குடும்பத்துக்கு ரூ.4 லட்சம் நிவாரணம்!

கொரோனா வைரஸ் நோயால் உயிரிழப்பவரின் குடும்பத்துக்கு முதல்வர் நிவாரண நிதியில் இருந்து ரூ.4 லட்சம் நிவாரணமாக அளிக்கப்படும் என பீகார் அரசு அறிவித்துள்ளது.

மேலும் கொரோனா வைரஸால் பாதிக்கப்பட்டவர்களுக்கு அளிக்கப்படும் மருத்துவ சிகிச்சைச் செலவை பீகார் அரசே ஏற்கும் என்று முதல்வர் நிதிஷ்குமார் அறிவித்துள்ளார்.

16 March 2020, 11:21 AM

இந்தியவில் கொரோனாவால் பாதிக்கப்பட்டோர் எண்ணிக்கை 114 ஆக உயர்ந்துள்ளது!

16 March 2020, 09:52 AM

உலகளவில் கொரோனா வைரஸால் 6,515 பேர் பலி!

உலகளவில் கொரோனா வைரஸால் உயிரிழந்தோரின் எண்ணிக்கை 6,515 ஆக உயர்ந்துள்ளது. மேலும் 157 நாடுகளுக்கு பரவிய கொரோனாவால் பாதிக்கப்பட்டோர் எண்ணிக்கை 1,69,415 ஆக உயர்ந்துள்ளது.

16 March 2020, 09:52 AM

சட்டமன்றத்தில் பார்வையாளர்களுக்கு தடை!

கொரோனா வைரஸ் தொடர்பாக பாதுகாப்பு ஏற்பாடுகளை கருத்தில் கொண்டு சட்டமன்ற நடவடிக்கைகளை பார்க்க வரும் பார்வையாளர்களை இன்று முதல் தடை செய்யப்பட்டுள்ளதாக சபாநாயகர் தெரிவித்தார்.

banner

Related Stories

Related Stories