என்ன ஒரு கயிறு கட்டிலின் விலை ரூ.1 லட்சமா?... இணையவாசிகளை தலைசுற்றவைத்த இ-காமர்ஸ் தளம்!

உலகம் முழுவதும் இ-காமர்ஸ் தளம் செயல்பட்டு வருகிறது. இதில் உணவு பொருட்கள் முதல் விளையாட்டு பொருட்கள் வரை அனைத்தும் விற்கப்பட்டு வருகிறது. தற்போது கடைக்கு சென்று பொருட்களை வாங்குவதை விட இ-காமர்ஸ் தளங்களில் பொருட்களை வாங்குவது அதிகரித்து விட்டது.

மேலும் பழைய பொருட்களை விற்பதற்கான இ காமர்ஸ் தளங்களும் செயல்படுகின்றன. இப்படி பல இ காமர்ஸ் தளங்கள் இருந்தாலும் போலியான இ காமர்ஸ் தளங்களும் இணையத்தில் உள்ளது. இதில் மக்கள் பணத்தை பறிகொடுக்கும் சம்பவங்களும் நடந்து கொண்டுதான் இருக்கிறது.

இந்நிலையில் அமெரிக்காவை சேர்ந்த இ காமர்ஸ் தளம் ஒன்றில் இந்தியாவின் பாரம்பரிய கட்டில் ரூ.1 லட்சத்திற்கு விற்பனை செய்யப்படுவதாக இணையத்தில் செய்தி ஒன்று வைரலாகி வருகிறது. இதை முதலில் பார்க்கும் போது நமக்கு தவறான செய்து என்று தெரியும்.

ஆனால், Etsy என்ற இ காமர்ஸ் தளத்தில் இந்தியாவின் பாரம்பரிய கயிறு கட்டில் ரூ.1,12,039 விற்பனை என அறிவிக்கப்பட்டுள்ளது. இவ்வளவு தொகை கொடுத்து யாராவது கயிறு கட்டிலை வாங்குவார்களான என நினைத்தால், இன்னும் 4 கட்டில்கள் தான் இருக்கிறது என்றும் அந்த தளத்தில் குறிப்பிடப்பட்டுள்ளது.

"இந்த அற்புதமான படுக்கையை நீங்கள் தனித்துவமான அலங்காரத்திற்காகப் பயன்படுத்தலாம், இது எந்த வகையான அறைக்கும் மற்றும் வெளிப்புறங்களுக்கும் உட்புறங்களுக்கும் ஏற்றது என்று இந்த தளத்தில் விளக்கப்பட்டுள்ளது.

மேலும் "அகலம்: 36 அங்குலம், உயரம்: 72 அங்குலம், ஆழம்: 18 அங்குலம் என கட்டிலின் முழு விவரங்களும் தெளிவாக விளக்கப்பட்டுள்ளது. இதைப் பார்த்த பலரும் இணைத்தில் தங்களது கருத்துகளை பகிர்ந்து வருகின்றனர்.