தே.மு.தி.க வேட்பாளர்கள் பட்டியல் வெளியீடு : யார் யார் எந்த தொகுதியில் போட்டி?

தமிழ்நாடு, புதுச்சேரி, கேரளம், மேற்குவங்கம், அசாம் ஆகிய 5 மாநில தேர்தல் தேதி அண்மையில் அறிவிக்கப்பட்டது. 3 கட்டங்களாக நடைபெறும் இந்த தேர்தலில், தமிழ்நாட்டில் வரும் ஏப்ரல் 23-ம் தேதி வாக்குப்பதிவு நடைபெறுகிறது. அதோடு 5 மாநிலங்களுக்கும் ஒரே கட்டமாக மே 4-ம் தேதி வாக்கு எண்ணிக்கை நடைபெறுகிறது.

இதனை முன்னிட்டு 5 மாநிலங்களை சேர்ந்த அரசியல் கட்சிகள் தீவிர தேர்தல் பிரசாரத்தில் ஈடுபட்டு வருவதோடு, தொகுதி பங்கீடு குறித்த பேச்சுவார்த்தையும் விறுவிறுப்பாக நடைபெற்று வருகிறது.

இந்த சூழலில் கடந்த 2021-ம் ஆண்டில் திமுக கூட்டணியில் இணைந்த கட்சிகள் இந்த முறையும் திமுக கூட்டணியில் இணைந்துள்ளதோடு, புதிய கட்சிகளும் கூட்டணியில் இணைந்துள்ளது.

இதையடுத்து பேச்சுவார்த்தைகள் முடிந்ததை அடுத்து தி.மு.க கூட்டணியில் இடம் பெற்றுள்ள தே.மு.தி.க போட்டியிடும் 10 தொகுதிகள் விவரம் வெளியானது.

இந்நிலையில் 10 தொகுதிகளின் வேட்பாளர்களை தே.மு.தி.க பொதுச் செயலாளர் பிரமலதா விஜயகாந்த் அறிவித்துள்ளார்.

அதன் விவரம் வருமாறு:-

1. விருத்தாசலம் - பிரேமலதா விஜயகாந்த்

2. தருமபுரி - V.இளங்கோவன்

3. சேலம் மேற்கு - அழகாபுரம்.R.மோகன்ராஜ்

4. விருதுநகர் - வி.விஜய பிரபாகர்

5. ஓமலூர் - ஏ.ஆர்.இளங்கோவன்

6. மைலம் - எல்.வெங்கடேசன்

7. பல்லாவரம் - அனகை.D.முருகேசன்

8. திருத்தணி - D.கிருஷ்ணமூர்த்தி

9. குடியாத்தம் (தனி) - K.B.பிரதாப்

10. போளூர் - T.P.சரவணன்