வேலூர் மக்களவைத் தொகுதிக்கான தேர்தல் தேதி அறிவிப்பு!

17-வது மக்களவைத் தேர்தலுக்கான வாக்குப்பதிவு நாடு முழுவதும் 7 கட்டங்களாக நடைபெற்றது. இதில் தமிழகம், புதுச்சேரிக்கு இரண்டாம் கட்டமாக தேர்தல் நடத்தப்பட்டது.

தமிழகத்தில் உள்ள 39 தொகுதிகளில் 38 தொகுதிகளுக்கு மட்டும் தேர்தல் நடத்தப்பட்டது. வேலூர் மக்களவைத் தொகுதிக்கு மட்டும் ஆளுங்கட்சியினரின் முறைகேடு காரணமாக வாக்குப்பதிவு ஒத்திவைக்கப்பட்டது.

இந்நிலையில், வேலூர் மக்களவைத் தொகுதிக்கான தேர்தல் தேதியை அறிவித்து அறிக்கை வெளியிட்டுள்ளது இந்திய தேர்தல் ஆணையம். ஆகஸ்ட் 5-ம் தேதி வாக்குப்பதிவும், ஆகஸ்ட் 9-ம் தேதி வாக்கு எண்ணிக்கையும் நடைபெறுகிறது.

ஜூலை 11-ம் தேதி வேட்பு மனுத்தாக்கல் செய்யலாம் எனவும் ஜூலை 18-ல் மனுத்தாக்கல் செய்ய கடைசி நாள், வேட்பு மனு பரிசீலனை ஜூலை 19-ம் தேதியும், மனுத்தாக்கல் வாபஸ் பெற கடைசி நாள் ஜூலை 22-ம் தேதி எனவும் அறிவித்துள்ளது தேர்தல் ஆணையம்.