Sports
"எங்களுக்கெல்லாம் ஒரு கடவுளாக தான் தோனி இருந்தார்" - முன்னாள் இந்திய வீரர் புகழாரம் !
இந்திய அணி 1983-ம் வருடம் முதல் முறையாக கிரிக்கெட் உலககோப்பையை வென்றது. அதன் பின்னர் பல வருடங்களாக உலககோப்பையையே வெல்லாத நிலையில், இந்திய அணிக்கு கேப்டனாகி முதல் டி20 உலகக்கோப்பை தொடரிலேயே இந்திய அணிக்கு கோப்பையை வென்று கொடுத்தார் எம்.எஸ்.தோனி.
அதன்பின்னர் 2011 உலககோப்பை, 2013 சாம்பியன்ஸ் டிராபி கோப்பை என தோனிகேப்டனாக இருந்து மூன்று விதமான உலகக் கோப்பை வென்று இந்திய அணியின் கிரிக்கெட் வரலாற்றில் சரித்த சாதனையைப் படைத்தது. மேலும், மைதானத்தில் எந்தவித ஆக்ரோஷத்தையும் காட்டாமல் களத்தில் தனது பேட்டால் பதிலடி கொடுப்பார். இதனாலேயே இவரை இந்திய ரசிகர்களைத் தாண்டி உலகம் முழுவதும் ரசிகர்களை சம்பாதித்தார்.
அனைத்து விதமான சர்வதேச கிரிக்கெட் போட்டியிலிருந்தும் ஓய்வு பெற்ற தோனி தற்போது ஐ.பி.எல் தொடரில் மட்டும் சென்னை அணியை வழிநடத்தி வருகிறார். இந்த நிலையில், எங்களுக்கெல்லாம் ஒரு கடவுளாக தான் தோனி இருந்தார் என முன்னாள் இந்திய வீரர் சவுரப் திவாரி கூறியுள்ளார்.
இது குறித்துப் பேசிய அவர், " ஜார்க்கண்ட் மாநிலத்தில் இருந்து இந்தியாவுக்காக தோனி கிரிக்கெட் ஆட தொடங்கிய பின்னர்தான் ஜார்கண்ட் அணி குறித்து அனைவரும் கவனிக்க தொடங்கினர். இப்படி ஒரு அணி இருப்பது அதன்பின்னர் தான் அனைவர்க்கும் தெரியும். இதனால் ஜார்க்கண்ட்டை சேர்ந்த எங்களுக்கெல்லாம் ஒரு கடவுளாக தான் தோனி இருந்தார்.
தோனி எப்போதெல்லாம் ராஞ்சியில் இருக்கிறாரோ அப்போதெல்லாம் எங்களை சந்தித்து எங்களுக்கு நம்பிக்கை அளிப்பார். தோனி அணியை வழிநடத்தும் போது எங்களுக்கு பல சுதந்திரம் கொடுத்திருந்தார். நாங்கள் சரியாக விளையாடவில்லை என்றாலும் எங்களுக்கு துணையாக அவர் எப்போதும் நிற்பார்"என்று கூறியுள்ளார்.
Also Read
-
”இந்திய நாட்டிற்கு பெருமை தேடித்தந்த மாரியப்பன் தங்கவேல்” : முதலமைச்சர் மு.க.ஸ்டாலின் வாழ்த்து!
-
”கருவின் பாலினம் அறிவிக்கும் நபர்கள் மீது நடவடிக்கை எடுக்கப்படும்” : மக்கள் நல்வாழ்வுத் துறை அறிக்கை!
-
ஆளுநர் உத்தரவை ரத்து செய்த கேரள உயர் நீதிமன்றம் : சர்வாதிகாரத்திற்கு கிடைத்த பதிலடி!
-
சமூக வலைதளத்தில் வீடியோ வெளியிட்டு புகார் : உடனே நடவடிக்கை எடுத்த தமிழ்நாடு அரசு - நடந்தது என்ன?
-
பாஜக கடவுளை அவமதிப்பது இது முதல் முறையல்ல.. பட்டியலிட்டு விமர்சித்த காங்கிரஸ் நிர்வாகி சுப்ரியா ஸ்ரீநேட்!