India
“புதிய வகை கொரோனா வைரஸ் இந்தியாவில் இதுவரை கண்டறியப்படவில்லை” - மத்திய நிபுணர் குழுவினர் தகவல்!
இங்கிலாந்தில் பரவியுள்ள புதிய கொரோனா வைரஸ் இந்தியாவில் இதுவரை கண்டறியப்படவில்லை என்று நிதி ஆயோக் உறுப்பினர் வி.கே.பால் தெரிவித்துள்ளார்.
இந்தியாவில் இதுவரை கொரோனா தொற்று உறுதி செய்யப்பட்டவர்களின் மொத்த எண்ணிக்கை 1 கோடியே 75 ஆயிரத்து 116 ஆக அதிகரித்துள்ளது. நாடு முழுவதும் கொரோனாவுக்கு பலியானோர் எண்ணிக்கை 1 லட்சத்து 46 ஆயிரத்து 111 ஆக அதிகரித்துள்ளது. தற்போதைய நிலையில் 2,92,518 பேர் சிகிச்சை பெற்று வருகின்றனர்.
இந்நிலையில், கொரோனா தடுப்பு நிபுணர் குழுவினர் இன்று டெல்லியில் செய்தியாளர்களைச் சந்தித்தனர்.
அப்போது பேசிய சுகாதாரத்துறை செயலர் ராஜேஷ் பூஷன், “நவம்பர் 25 முதல் டிசம்பர் 23 வரை இங்கிலாந்திலிருந்து இந்தியாவுக்கு வந்த பயணிகளின் பட்டியலைச் சேகரித்து அவர்களுக்கு கட்டாயம் கொரோனா சோதனை செய்ய மாநில அரசுகளுக்கு அறிவுறுத்தப்படுள்ளது.
அதில் கொரோனா தொற்று உறுதியானவர்களின் மாதிரியை புனேவிலுள்ள தேசிய வைரஸ் ஆய்வகத்துக்கு அடுத்த கட்ட சோதனைக்கு அனுப்பவேண்டும் என்றும் மாநில அரசுகளுக்கு ஆலோசனை வழங்கப்பட்டுள்ளது.” எனத் தெரிவித்தார்.
நிதி ஆயோக் உறுப்பினர் வி.கே.பால் பேசுகையில், “இங்கிலாந்தில் பரவி வரும் புதிய வகை கொரோனா குறித்து, அங்குள்ள ஆராய்ச்சி நிறுவனத்துடன் பேசியுள்ளோம். இங்கிலாந்தில் பரவியுள்ள புதிய கொரோனா வைரஸ் இந்தியாவில் இதுவரை கண்டறியப்படவில்லை.
உருமாற்றம் பெற்ற வைரஸ் வேகமாகப் பரவுகிறது என்பதை புரிந்துகொண்டோம். தற்போது உருவாக்கப்படும் தடுப்பூசி முயற்சிகளில் இது பாதிப்பை ஏற்படுத்தாது” என்று தெரிவித்தார்.
Also Read
-
Rapido ஓட்டுநரை தாக்கிய ஆட்டோ ஓட்டுநர்கள்... வைரலான வீடியோ.. 3 பேர் மீது பாய்ந்த வழக்கு... - காரணம் என்ன?
-
நாகர்கோவில் ரயில் பெட்டிக்குள் பெண் வன்கொடுமை & கொலை.. DGP-க்கு கெடு விதித்த தேசிய மகளிர் ஆணையம் -விவரம்!
-
“ஆறே மாசம், எல்லாமே நாசம்! மூடநம்பிக்கைகளில் ஊறிப்போன இவர்கள்தான்...” - விஜயை வறுத்தெடுத்த மு.க.ஸ்டாலின்!
-
“கோமாளி ஆட்சியின் வெட்டி Ego-வால் துயரில் நிற்கும் விவசாயிகள்” : எதிர்க்கட்சி தலைவர் உதயநிதி கண்டனம்!
-
“த.வெ.க அமைச்சர்களின் செயலால் தமிழ்நாட்டிற்கு தலைகுனிவு” : கீதா ஜீவன் விமர்சனம்!