India
ஊழியர்களுக்கு சம்பளம் வழங்க முடியாத நிலையில் பி.எஸ்.என்.எல் : இழுத்து மூட அரசு முடிவு ?
பொதுத்துறை நிறுவனங்களில் ஒன்றான பி.எஸ்.என்.எல், கடந்த 2018ம் ஆண்டு டிசம்பர் மாதம் வரை கிட்டதட்ட 90,000 கோடி ரூபாய் இழப்பை சந்தித்துள்ளது. நாட்டிலேயே அதிக நஷ்டத்தை சந்தித்த முதன்மை பொதுத்துறை நிறுவனம் பி.எஸ்.என்.எல் என ஆய்வு ஒன்று கூறுகிறது.
மேலும், கடந்த 2018-19 வரையிலான காலகட்டத்தில் பி.எஸ்.என்.எல் நிறுவனத்தின் கடன் 14 ஆயிரம் கோடி ரூபாய் என கணக்கிடப்பட்டுள்ளது. 2009ம் ஆண்டு வரையில் 500 கோடி வரையிலான லாபத்தை ஈட்டிய பி.எஸ்.என்.எல் நிறுவனம், அதன்பிறகு தொடர் சரிவைச் சந்தித்துள்ளது. தனது 1.7 லட்சம் ஊழியர்களுக்கு மாத சம்பளம் கொடுக்க திணறி வருகிறது.
இதனால் ஜுன் மாத ஊதியமாக கிட்டதட்ட ரூபாய் 850 கோடியை மத்திய அரசிடம் கேட்டுள்ளது பி.எஸ்.என்.எல் நிறுவனம். தொலைத்தொடர்பு துறையின் இணை செயலருக்கு இது தொடர்பாக எழுதப்பட்டுள்ள கடிதத்தில் உடனடி நிதி உதவி அவசியம் என்று கூறப்பட்டுள்ளது. இல்லாவிட்டால் நிறுவனத்தை தொடர்ந்து இயக்குவது முடியாமல் போய்விடும் என்றும் தெரிவிக்கப்பட்டுள்ளது.
ஆளும் பா.ஜ.க அரசு பொதுத்துறை நிறுவனங்களைத் தனியாரிடம் தாரை வார்க்க திட்டமிட்டு செயல்பட்டு வருகிறது. இதனாலேயே அரசின் வசம் இருக்கும் முக்கியமான தொலைத்தொடர்பு நிறுவனமான பி.எஸ்.என்.எல் இழப்பை சந்தித்துள்ளது என்று அரசியல் விமர்சகர்கள் தெரிவித்துள்ளனர்.
Also Read
-
3 ஆண்டுகளாக பாலியல் தொல்லை : முன்ஜாமீன் கோரிய முன்னாள் அமைச்சர் ரேவண்ணா - கர்நாடக அரசியலில் அதிர்ச்சி !
-
மேற்கு வங்க ஆளுநர் மீது பாலியல் புகார் - மோடி கொல்கத்தா நேரத்தில் செல்லும் வெளிவந்த அதிர்ச்சி !
-
மீண்டும் மீண்டும் அவமானப்படும் மோடி! : பொய்களின் மேல் பொய்கள்!
-
"ரிங்கு சிங்கை அணியில் சேர்க்காதது மிகவும் கடினமான முடிவு" - தேர்வுக்குழு தலைவர் அகர்கர் கூறியது என்ன ?
-
தனியார்மயமாக்கலால் குறையும் அரசுப் பணிகள்! : மறைமுகமாக அழிக்கப்படும் இடஒதுக்கீடு!