இடைத்தேர்தல் மற்றும் 7ம் கட்ட வாக்குப்பதிவு: 9 மணி நிலவரம்!

17வது நாடாளுமன்றத் தேர்தல் ஏப்.,11ம் தேதி தொடங்கி இன்று (மே 19) வரை 7 கட்டங்களாக நடைபெறுகிறது. இதில் 6 கட்ட வாக்குப்பதிவுகள் முடிவடைந்திருக்கும் நிலையில் இன்று 7ம் கட்ட வாக்குப்பதிவு நடைபெற்று வருகிறது.

8 மாநிலங்களில் உள்ள 59 தொகுதிகளுக்கு 7ம் கட்ட வாக்குப்பதிவு இன்று காலை 7 மணிமுதல் தொடங்கி நடைபெற்று வருகிறது.

இதில், 9 மணி நிலவரப்படி பதிவான வாக்கு விகிதம்:

மேற்கு வங்கம்: 10.54, பீகார்: 10.65, மத்திய பிரதேசம்: 7.16, சண்டிகர்: 10.40, பஞ்சாப்: 4.64, உத்தர பிரதேசம்: 5.97, இமாச்சல பிரதேசம்: 0.87, ஜார்கண்ட்: 13.19

இதே போல், தமிழகத்தில் காலியாக உள்ள 4 சட்டமன்றத் தொகுதிகளான திருப்பரங்குன்றம், சூலூர், ஒட்டப்பிடாரம், அரவக்குறிச்சி ஆகிய பகுதிகளுக்கு இன்று இடைத்தேர்தல் தொடங்கி நடந்து வருகிறது.

அதற்கான 9 மணி நிலவரப்படி பதிவான வாக்கு விகிதம்:

சூலூர்: 14.40, திருப்பரங்குன்றம்: 12.67, அரவக்குறிச்சி: 10.51, ஒட்டப்பிடாரம்: 14.53