Cinema
உச்ச நட்சத்திரங்களின் படங்களுக்கு ஒரே நேரத்தில் இசையமைக்கும் அனிருத்... என்னென்ன படம் தெரியுமா?
தனுஷ் நடிப்பில் உருவான 3 படம் மூலம் தமிழ்த்திரையுலகில் இசையமைப்பாளராக அறிமுகமானவர் அனிருத். விஜய், அஜித், சூர்யா என தமிழ் சினிமாவில் அடுத்தடுத்து உச்ச நட்சத்திரங்களின் படங்களுக்கு இசையமைத்து அசத்தி வருகிறார் அனிருத். மேலும், தமிழ் மட்டுமின்றி தெலுங்கு சினிமாவிலும் இசையமைத்துள்ளார்.
இந்நிலையில், இந்த வருடம் அனிருத்துக்கு மிக முக்கியமான வருடங்களில் ஒன்றாக அமைந்துள்ளது. இந்த வருடத்தில் ரஜினி, கமல், விஜய் என தமிழ் சினிமாவின் உச்ச நட்சத்திரங்களின் படத்திற்கு இசையமைக்க ஒப்பந்தமாகியுள்ளார்.
முருகதாஸ் இயக்கத்தில் ரஜினி நடிப்பில் உருவாகி வரும் தர்பார் படத்திற்காக 2-வது முறையாக ரஜினியுடன் கூட்டணி அமைத்துள்ளார். முன்னதாக ரஜினி நடிப்பில் வெளியான பேட்ட படத்திற்காக இசையமைத்திருந்தார் அனிருத்.
இதையடுத்து, கமல் நடிப்பில் ஷங்கர் இயக்கத்தில் பிரமாண்டமாக உருவாகி வரும் இந்தியன்-2 படத்திற்கு இசையமைக்க ஒப்பந்தமாகியுள்ளார். உலகநாயகன் கமல்ஹாசனுடன் முதல் முறையாக கூட்டணி அமைத்துள்ளார்.
தற்போது லோகேஷ் கனகராஜ் இயக்கத்தில் விஜய் நடிக்க இருக்கும் விஜய் 64 படத்தில் இசையமைக்க ஒப்பந்தமாகியுள்ளார். கத்தி படத்திற்குப் பிறகு மீண்டும் விஜய் உடன் கூட்டணி அமைத்துள்ளார் அனிருத்.
முன்னதாக 2014ம் ஆண்டு வெளியான கத்தி படத்தில் இடம்பெற்ற பாடல்கள் அனைத்தும் ரசிகர்களிடம் நல்ல வரவேற்பை பெற்றது. இந்தக் கூட்டணி மீண்டும் அமைந்துள்ளதால் படத்தின் மீதான எதிர்பார்ப்பும் அதிகரித்துள்ளது.
தமிழின் முன்னணி நட்சத்திரங்களின் படங்களுக்கு ஒரே நேரத்தில் இசையமைக்க ஒப்பந்தமாகியிருக்கும் அனிருத் தான், தற்போது சினிமா இசை ரசிகர்களின் பெரும் எதிர்பார்ப்பு.
Also Read
-
“மேகதாது என்பது படமல்ல; கோடிக்கணக்கான தமிழ்மக்களின் வாழ்வாதாரம்!” : முரசொலி தலையங்கம் அறிவுறுத்தல்!
-
வெட்கமில்லாமல்... : சோனியாகாந்தியின் புத்தக வெளியீட்டு விழாவில் பங்கேற்ற விஜய்க்கு அப்பாவு கண்டனம்!
-
சூரசம்ஹாரம் : “இதுதான் திராவிட மாடலுக்கும் ரீல்ஸ் மாடலாக உள்ள வித்தியாசம்” - சேகர்பாபு தாக்கு!
-
எந்தக் கொம்பனாலும் மேகதாதுவில் அணை கட்ட முடியாது; விஜய் அமைதி காப்பது ஆபத்து : துரைமுருகன் அதிரடி பேட்டி!
-
நூல் கொள்முதல் முறைகேடு - 6000 புத்தகங்கள் இடைச்செருகல் : போலிஸார் விசாரணையில் வெளிவந்த பீகர் தகவல்!