சிவகார்த்திகேயன் விக்னேஷ் சிவன் பட டைட்டில்! 

எம்.ராஜேஷ் இயக்கத்தில் சிவகார்த்திகேயன் நடித்திருக்கும் ‘மிஸ்டர் லோக்கல்’ திரைப்படம் மே 1-ஆம் தேதி வெளியாக இருக்கிறது. தவிர, ‘இன்று நேற்று நாளை’ரவிக்குமார் இயக்கத்திலும், ‘இரும்புத்திரை’ பி.எஸ்.மித்ரன் இயக்கத்திலும், பாண்டியராஜ் இயக்கத்திலும் நடிக்கவிருக்கிறார் சிவகார்த்திகேயன்.

இதற்கிடையே, விக்னேஷ் சிவன் இயக்கத்தில் சிவகார்த்திகேயன் நடிக்க ஒப்பந்தமாகியிருக்கிறார். இப்படத்தை லைகா நிறுவனம் தயாரித்துவருகிறது. இப்படத்தின் கதை விவாதப் பணிகளுக்காகத் தான் மும்பை சென்றிருக்கிறார் விக்னேஷ்சிவன்.

ஜூலை மாதம் படத்தின் படப்பிடிப்பு தொடங்கவிருப்பதாகச் சொல்லப்படுகிறது. காதலை மையமாகக் கொண்ட கதைக்களமாக இருக்கும் எனவும், படத்திற்கு ‘எல்ஐசி’ என பெயர் வைத்திருப்பதாகவும் சொல்லப்படுகிறது. ‘எல் ஐ சி’ என்றால் லவ் இன்ஸ்யூரன்ஸ் கம்பெனி என்று அர்த்தமாம்.

விக்னேஷ் சிவன் - சிவகார்த்திகேயன் கூட்டணியில் உருவாக இருக்கும் படத்தின் தலைப்பை விரைவில் அறிவிக்கவும் இருக்கிறார்கள் படக்குழுவினர்.